(ក្រចេះ)៖ ប្រជាកសិករនៅក្នុងឃុំព្រែកសាម៉ាន់ ស្រុកឆ្លូង ខេត្តក្រចេះ សម្តែងការសប្បាយចិត្តចំពោះកិច្ចអន្តរាគមន៍ពីក្រសួងកសិកម្ម និងក្រសួងស្ថាប័នផ្សេងៗទៀត ដែលបានចុះដោះស្រាយបញ្ហាខ្វះទឹកធ្វើស្រែ។

ការបង្ហាញសេចក្តីរីករាយនេះ បន្ទាប់ពីប្រជាកសិករជាង១០០នាក់ បានជួបសំណេះសំណាល ជាមួយកញ្ញា អ៊ឹម រចនា អនុរដ្ឋលេខាធិការ និងជាអ្នកពាក្យក្រសួងកសិកម្ម រុក្ខាប្រមាញ់ និងនេសាទ នៅថ្ងៃទី២១ ខែមករា ឆ្នាំ២០២៥។

មន្ត្រីជាន់ខ្ពស់នៃក្រសួងកសិកម្មរូបនេះ បាននាំយកនូវថវិកាឧបត្ថម្ភរបស់ លោក ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ ជួយឧបត្ថម្ភដល់ការបូមទឹកដាក់ស្រែដែលកំពុងរងគ្រោះនៅភូមិព្រែកសាម៉ាន់ ចំនួន ៣៨៩គ្រួសារ ឬស្មើនឹងផ្ទៃដីដំណាំស្រូវចំនួន៤៨៣ហិកតា៕