រដ្ឋមន្ត្រីការបរទេសហ្វាំងឡង់៖ យុទ្ធសាស្ត្ររបស់លោក ត្រាំ ក្នុងការដោះស្រាយវិបត្តិអ៊ុយក្រែន មិនទំនងជានាំសន្តិភាពដល់អ៊ុយក្រែនទេ
2025-03-04 07:19pm (ឡុងដ៍)៖ រដ្ឋមន្ត្រីការបរទេសហ្វាំងឡង់ លោកស្រី Elina Valtonen បានបង្ហាញការមន្ទិលសង្ស័យ ចំពោះលទ្ធភាពដែលយុទ្ធសាស្ត្របច្ចុប្បន្ន របស់ប្រធានាធិបតីអាមេរិក ដូណាល់ ត្រាំ អាចនឹងនាំមកនូវសន្តិភាពពិតប្រាកដដល់ប្រទេសអ៊ុយក្រែន។ នេះបើយោងតាមការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃអង្គារ ទី៤ ខែមីនា ឆ្នាំ ២០២៥។
ក្នុងអំឡុងពេលថ្លែងសុន្ទរកថានៅឯវិទ្យាស្ថាន Chatham House ក្នុងទីក្រុងឡុងដ៍ នៅថ្ងៃអង្គារនេះ លោកស្រីបានលើកឡើងពីក្តីបារម្ភមួយចំនួន ទាក់ទងនឹងការសម្រេចចិត្តរបស់រដ្ឋបាលលោក ត្រាំ ក្នុងការផ្អាកជាបណ្ដោះអាសន្ននូវប្រតិបត្តិការវាយលុកតាមអ៊ីនធឺណិតប្រឆាំងនឹងរុស្ស៊ី ក្នុងអំឡុងពេលនៃកិច្ចចរចាសន្តិភាព។
លោកស្រី Valtonen បានពន្យល់ថា យុទ្ធសាស្ត្រផ្អាកប្រតិបត្តិការនេះអាចជាផ្នែកមួយនៃការប៉ុនប៉ងរបស់សេតវិមាន ក្នុងការសាកល្បងមើលថា តើការបន្ធូរបន្ថយសម្ពាធលើរុស្ស៊ី រួមជាមួយនឹងការដាក់សម្ពាធខ្លះលើអ៊ុយក្រែន អាចនឹងជំរុញឲ្យមានដំណោះស្រាយចំពោះវិបត្តិនេះបានឬអត់។ ទោះជាយ៉ាងណា លោកស្រីបានសង្កត់ធ្ងន់ថា តាមទស្សនៈរបស់លោកស្រីផ្ទាល់ វិធីសាស្ត្រដែលត្រឹមត្រូវគួរតែមានលក្ខណៈផ្ទុយពីនេះ ហើយលោកស្រីមានជំនឿថា លោក ត្រាំ និងក្រុមការងាររបស់លោក នឹងដឹងនៅទីបំផុតថា យុទ្ធសាស្ត្រនេះប្រហែលជាមិនទទួលបានជោគជ័យឡើយ។
គួរបញ្ជាក់ថា ការថ្លែងរបស់រដ្ឋមន្ត្រីការបរទេសហ្វាំងឡង់រូបនេះ ធ្វើឡើងបន្ទាប់ពីលោក ត្រាំ បានធ្វើការផ្លាស់ប្តូរយ៉ាងឆាប់រហ័សនូវគោលនយោបាយរបស់សហរដ្ឋអាមេរិកចំពោះអ៊ុយក្រែន និងរុស្ស៊ី ដោយចាប់ផ្តើមបើកកិច្ចចរចាជាមួយទីក្រុងម៉ូស្គូភ្លាមៗបន្ទាប់ពីចូលកាន់តំណែងកាលពីខែមករា។ ការផ្លាស់ប្តូរជំហរភ្លាមៗនេះបាននាំឲ្យមានភាពតានតឹងយ៉ាងខ្លាំងក្នុងជំនួបរវាងលោក ត្រាំ និងប្រធានាធិបតីអ៊ុយក្រែន Volodymyr Zelenskiy នៅសេតវិមានកាលពីថ្ងៃសុក្រសប្តាហ៍មុន។ ប្រភពព័ត៌មានដែលបានដកស្រង់សម្ដីមន្ត្រីអាមេរិកមួយរូបបានឲ្យដឹងថា លោក ត្រាំ បានសម្រេចផ្អាកជំនួយយោធាដល់អ៊ុយក្រែនជាបណ្ដោះអាសន្នបន្ទាប់ពីជំនួបដ៏ចម្រូងចម្រាសនោះ៕
LATEST NEWS
អគ្គីភ័យឆាបឆេះផ្ទះពលរដ្ឋនៅស្រុកស្វាយអន្ទរ ខេត្តព្រៃវែង បណ្តាលឱ្យដូនចាស់អាយុ៨៨ឆ្នាំម្នាក់រងរបួស និងខូចខាតទ្រព្យសម្បត្តិអស់មួយចំនួនធំ
ក្រុមហ៊ុនក្នុងស្រុកមួយបោះទុនវិនិយោគជាង២លានដុល្លារ ចុះកិច្ចសន្យាប្រមូលទិញគ្រាប់ស្វាយចន្ទីស្រស់ប្រភេទ (M23) ប្រមាណ១៥០០តោន ពីសហគមន៍កសិកម្មចំនួន១៣ ក្នុងខេត្តព្រះវិហារ
យុវតីកាយឬទ្ធិនារីកម្ពុជា៖ កម្មវិធី «បងស្រី និងប្អូនស្រី» ក្រោមវត្តមានលោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត ជំរុញឲ្យស្ត្រីរឹងមាំ និងស្គាល់ពីខ្លួនឯងកាន់តែច្បាស់ (Video inside)
ត្រូវនិយាយថាទេចំពោះគ្រឿងញៀន! បង្ក្រាបគ្រឿងញៀនទូទាំងប្រទេស នៅថ្ងៃទី០៤ ខែមីនា៖ បង្ក្រាប២០ករណី ឃាត់ខ្លួន៦៣នាក់
ម៉ិកស៊ិក ថ្កោលទោសពន្ធថ្មីរបស់អាមេរិក និងសន្យាចាត់វិធានការសងសឹកវិញ
ទោះបីជាពីជំងឺកូវីដ១៩ សម្តេចតេជោ ហ៊ុន សែន ត្រូវការពេលសម្រាកបន្ថែម និងសូមអធ្យាស្រ័យមិត្តភក្តិបរទេសដែលត្រូវចូលជួប តែត្រូវលុបចោលវិញ
អ្នកជំនាញ៖ ជំនួយយោធាអាមេរិកត្រូវបានផ្អាក ជាការវាយប្រហារមួយដល់អ៊ុយក្រែន តែមិនមែនជាមហន្តរាយភ្លាមៗនោះទេ
កម្ពុជា-កូរ៉េ ចុះកិច្ចសហប្រតិបត្តិការ បង្កើនប្រសិទ្ធភាពនៃការគ្រប់គ្រង និងអភិវឌ្ឍវិស័យធានារ៉ាប់រងប្រទេសទាំងពីរ
វិភាគអន្តរជាតិ៖ តាំងពីឆ្នាំ២០២២ តើសហរដ្ឋអាមេរិកផ្ដល់អាវុធអ្វីខ្លះឱ្យអ៊ុយក្រែន?
