(ភ្នំពេញ)៖ ក្រុមហ៊ុននាំចូលថ្នាំកសិកម្ម ស៉ីជី ក្របសាយអិនស៍ តំណាងដោយលោក សួង ពិសិដ្ឋ បុគ្គលិកផ្នែកទំនាក់ទំនងសាធារណៈរបស់ក្រុមហ៊ុន បានថ្លែងអំណរគុណក្រសួងកសិកម្ម រុក្ខាប្រមាញ់ និងនេសាទ ដែលយកចិត្តទុកដាក់ក្នុងការផ្ដល់សេវាសាធារណៈនៃដំណើការរាល់នីតិវិធីនៃការដាក់ពាក្យស្នើសុំលិខិតអនុញ្ញាតផ្សេងៗ។

លោក សួង ពិសិដ្ឋ បានលើកឡើងថា ចំពោះការផ្ដល់សេវាសាធារណៈរបស់ក្រសួងកសិកម្ម នៃដំណើការរាល់នីតិវិធីនៃការដាក់ពាក្យស្នើសុំលិខិតអនុញ្ញាតផ្សេងៗ ក្រុមហ៊ុនមានការសប្បាយរីករាយជាខ្លាំង និងថ្លែងអំណរគុណដល់ក្រសួងកសិកម្ម រុក្ខាប្រមាញ់ និងនេសាទ ដែលបានយកចិត្តទុកដាក់សម្របសម្រួលជូនដល់ក្រុមហ៊ុនទាំងអស់បានទាន់ពេលវេលា ឆ្លើយតបទៅនិងតម្រូវការរបស់ក្រុមហ៊ុនក្នុងការនាំចូលថ្នាំកសិកម្ម និងជីកសិកម្មដែលមានគុណភាពខ្ពង់សម្រាប់ផ្គត់ផ្គង់ចែកចាយដល់កសិករ។

តំណាងក្រុមហ៊ុន ស៉ីជី រូបនេះ បានប្ដេជ្ញាថា តាមការអំពាវនាវរបស់ក្រសួងកសិកម្ម ក្រុមហ៊ុនលោកនឹងលក់ថ្នាំកសិកម្មជូនប្រជាកសិករក្នុងតម្លៃសមរម្យ ដើម្បីជួយកាត់បន្ថយថ្លៃដើមរបស់កសិករក្នុងការប្រកបរបរកសិកម្ម៕