2025-04-02 05:49pm

(ភ្នំពេញ)៖ លោក អ៊ុច បូររិទ្ធ ប្រធានស្តីទីព្រឹទ្ធសភា នៃកម្ពុជា រួមដំណើរដោយសមាជិក សមាជិកា ព្រឹទ្ធសភា នាព្រឹកថ្ងៃអង្គារ ទី១ ខែមេសា ឆ្នាំ២០២៥ បានអញ្ជើញពិនិត្យការដ្ឋានស្ថាបនាស្ពានបេតុងអាម៉េ ប្រវែង ១០៨ម៉ែត្រ ទទឹង១០ម៉ែត្រ (ដំណាក់កាលទី១) ឆ្លងកាត់ព្រែកប្រាសាទ ដែលសាងសង់ដោយកងកម្លាំងប្រតិបត្តិការរបស់មជ្ឈមណ្ឌលជាតិគ្រប់គ្រងកងកម្លាំងរក្សាសន្តិភាព បោសសម្អាតមីន និងកាកសំណល់សង្រ្គាម និងបានអញ្ជើញ សំណេះសំណាលជាមួយបងប្អូនប្រជាពលរដ្ឋ ចំនួន ៥៤៧គ្រួសារ ស្ថិតនៅក្នុងឃុំប្រាសាទ ស្រុកស្អាង ខេត្តកណ្តាល។

យោងតាមរបាយការណ៍របស់ឧត្តមសេនីយ៍ទោ សែម រតនា អគ្គនាយកស្តីទី នៃមជ្ឈមណ្ឌលជាតិរក្សាសន្តិភាព ការស្ថាបនាស្ពានបេតុងអាម៉េត្រូវបានចែកចេញជាពីរដំណាក់កាល ដោយអនុវត្តតាមបទដ្ឋានបច្ចេកទេសរបស់ក្រសួងសាធារណការ និងដឹកជញ្ជូន។

ជាជំហានដំបូងគឺធ្វើការខួងគ្រឹះស្ពានមានមុខកាត់ ១ម៉ែត្រ ចាក់បេតុងធ្នឹមស្ពានចំនួន ៣៦ធ្នឹម សង់ទម្រក្បាលស្ពានសងខាង ទម្រកណ្តាលស្ពាន ធ្នឹមទប់ និងប្លង់សេក្រាលស្ពាន ព្រមទាំងចាក់បេតុងធ្វើផ្លូវដើរ និងបង្កាន់ដៃសងខាងស្ពានប្រវែង ២១៦ម៉ែត្រ។

ក្រោយពីការស្ថាបនារួច ស្ពាននេះនឹងមានតម្លៃយ៉ាងធំធេង និងដើរតួនាទីយ៉ាងសំខាន់ ដើម្បីសម្រួលដល់ការធ្វើដំណើរឆ្លងកាត់ ដោយតភ្ជាប់រវាងភូមិទាំង៥ នៃឃុំប្រាសាទ ទៅឃុំត្រើយស្លារ និងទៅផ្លូវជាតិលេខ១ ក៏ដូចជា ដើម្បីរួមចំណែកអភិវឌ្ឍភូមិ-ឃុំ កាត់បន្ថយថ្លៃធ្វើដំណើរនិងការដឹកជញ្ជូនផលិតផលកសិកម្ម កាត់បន្ថយហានិភ័យលើការធ្វើដំណើរតាមផ្លូវទឹក សំដៅដល់ការលើកកម្ពស់កម្រិតជីវភាពរស់នៅរបស់បងប្អូន និង ការជួយលើកស្ទួយហេដ្ឋារចនាសម្ព័ន្ធប្រទេសជាតិ ស្របតាមគោលនយោបាយយុទ្ធសាស្រ្តបញ្ចកោណ ដំណាក់កាលទី១ របស់រាជរដ្ឋាភិបាលកម្ពុជា នីតិកាលទី៧ នៃរដ្ឋសភា ក្រោមការដឹកនាំប្រកបដោយគតិបណ្ឌិតនិងថាមពលរបស់សម្តេចមហាបវរធិបតី ហ៊ុន ម៉ាណែត ដែលមានអាទិភាពគន្លឹះ៥ គឺ <<មនុស្ស ផ្លូវ ទឹក ភ្លើង និងបច្ចេកវិទ្យា>>។

ជាកិច្ចចាប់ផ្តើមមតិសំណេះសំណាលនាឱកាសនោះ លោក អ៊ុច បូររិទ្ធ ប្រធានស្តីទី ព្រឹទ្ធសភា បានពាំនាំនូវការផ្តាំផ្ញើការសួរសុខទុក្ខ និងក្តីនឹករឭកពីសម្តេចតេជោ ហ៊ុន សែន ប្រមុខរដ្ឋស្តីទីនៃកម្ពុជា និងសម្តេចកិត្តិព្រឹទ្ធបណ្ឌិត ជូនដល់ថ្នាក់ដឹកនាំខេត្ត ស្រុក សមាជិកក្រុមប្រឹក្សា ឃុំ អាជ្ញាធរមូលដ្ឋាន និងប្រជាពលរដ្ឋទាំងអស់។

ជាមួយនឹងការរំឭកឡើងវិញនូវប្រវត្តិដែលលោកធ្លាប់បានចូលរួមជាប្រធានក្រុមការងារចុះជួយមូលដ្ឋានឃុំប្រសាទ លោកប្រធានស្តីទីបានថ្លែងអំណរអរគុណជាថ្មីម្តងទៀត ជាពិសេសចំពោះលោកនាយឧត្តមសេនីយ៍ សែម សុវណ្ណនី អតីតអគ្គនាយកមជ្ឈមណ្ឌលជាតិរក្សាសន្តិភាព និងជាអតីតអនុប្រធានក្រុមការងារចុះជួយមូលដ្ឋានឃុំប្រាសាទ ដែលបានទទួលយកសំណើស្ថាបនាស្ពានបេតុងនេះឡើង ដើម្បីឆ្លើយតបទៅនឹងសំណូមពរដោះស្រាយការលំបាករបស់ប្រជាពលរដ្ឋ នៅ ក្នុងមូលដ្ឋានឃុំប្រសាទ។

ឆ្លៀតក្នុងឱកាសនោះផងដែរ លោកប្រធានស្តីទីព្រឹទ្ធសភា បានជម្រាបជូនអំពីមុខងារ និងអាទិភាពចម្បងទាំងពីរ ក្នុងចំណោមអាទិភាពនានារបស់ព្រឹទ្ធសភា ដែលជាគោលការណ៍ណែនាំប្រកបដោយគតិបណ្ឌិតរបស់ សម្តេចតេជោ ហ៊ុន សែន ប្រធានព្រឹទ្ឋសភា សម្រាប់ព្រឹទ្ធសភានីតិកាលទី៥ ដោយសង្កត់ធ្ងន់ជាពិសេសលើ <<ការរួមប្រាស្រ័យឱ្យកាន់តែជិតស្និទ្ធជាមួយអង្គបោះឆ្នោត>>។

ស្របតាមទិសដៅនេះ លោកប្រធានស្តីទី បានបញ្ជាក់ថា ដោយអនុវត្តតាមកម្មវិធីការងាររបស់ព្រឹទ្ធសភា និងការណែនាំដ៏ខ្ពង់ខ្ពស់របស់ សម្តេចតេជោ សមាជិក-សមាជិកាព្រឹទ្ធសភាទាំងអស់ត្រូវចុះជួបប្រាស្រ័យឱ្យបានជាប់ជាប្រចាំ ដូចភ្លៀងរលឹម ជាមួយអង្គបោះឆ្នោត និងប្រជាជន នៅតាមមូលដ្ឋាន ដើម្បីឈ្វេងយល់ពីសុខទុក្ខ និងស្តាប់មតិយោបល់ សំណូមពរ បញ្ហាប្រឈមទាំងឡាយ ក៏ដូចជាចូលរួមមតិជួយពង្រឹងការអនុវត្តតួនាទីរបស់ក្រុមប្រឹក្សាឃុំ សង្កាត់ ការផ្តល់សេវាសាធារណៈ និងការងារអភិវឌ្ឍន៍មូលដ្ឋាន សម្រាប់ជាគុណប្រយោជន៍របស់ប្រជាជន ដោយគ្មានការរើសអើង ឬការប្រកាន់បក្សពួក និន្នាការនយោបាយ និងសាសនា ឡើយ។

លោកប្រធានស្តីទី ព្រឹទ្ធសភា ក៏បានចែករំលែកនូវការវិវឌ្ឍថ្មីៗនៃគោលនយោបាយ របស់សហរដ្ឋអាម៉េរិក ក្រោមរដ្ឋបាលលោក ដូណាល់ ត្រាំ និងការប្រកួតប្រជែងភូមិសាស្ត្រនយោបាយរបស់មហាអំណាច។

លោកបានគូសបញ្ជាក់ពីសារៈសំខាន់នៃការពង្រឹងសាមគ្គីភាព ឯកភាពជាតិ ការរក្សាសន្តិភាព និងស្ថិរភាព នយោបាយ ដែលជាកត្តាចាំបាច់មិនអាចខ្វះបានសម្រាប់ការរក្សាការពារទឹកដី ឯករាជ្យភាព អធិតេយ្យជាតិ វិបុលភាព និងការអភិវឌ្ឍប្រទេសជាតិរីកចម្រើនលើគ្រប់វិស័យ ដោយឯកឧត្តមបានសង្កត់ធ្ងន់ថា <<ក្រៅពីខ្មែរ គ្មានបរទេសណាស្រឡាញ់ខ្មែរដូចខ្មែរ គឺមានតែខ្មែរដែលស្រឡាញ់ខ្មែរពិតប្រាកដ>> និងបានអំពាវនាវដល់បងប្អូនប្រជាពលរដ្ឋទាំងអស់បន្តលើកកម្ពស់ស្មារតីរួមរស់ជាមួយគ្នា ក្នុងភាពជាបងប្អូនជនជាតិខ្មែរតែមួយ និងសុខដុមរមនីយកម្មសង្គមជាតិ ដោយជ្រោងខ្ពស់ផលប្រយោជន៍ជាតិជាងផលប្រយោជន៍អ្វីៗទាំងអស់ សំដៅការពារឱ្យបានជាដាច់ខាតនូវសន្តិភាព សេចក្តីសុខសាន្តរបស់សង្គមជាតិទាំងមូល និងប្តេជ្ញាចូលរួមអនុវត្តតាមមាគ៌ាត្រួសត្រាយប្រកបដោយគតិបណ្ឌិតរបស់សម្តេចតេជោ ហ៊ុន សែន ដែលជាបិតាស្ថាបនិកសន្តិភាពគ្មានពីរ និងរដ្ឋបុរសរបស់ជាតិខ្មែរ។

មុននឹងបញ្ចាប់ លោកប្រធានស្តីទី ព្រឹទ្ធសភា បានសម្តែងនូវការកោតសរសើរចំពោះកិច្ចការដ៏ឧតុង្គឧត្តមរបស់មជ្ឈមណ្ឌលជាតិគ្រប់គ្រងកងកម្លាំងរក្សាសន្តិភាព បោសសម្អាតមីន និងកាកសំណល់សង្រ្គាម ក្នុងការរួមចំណែកអភិវឌ្ឍជាតិមាតុភូមិ ក៏ដូចជាការលើកកម្ពស់កិត្យានុភាពកម្ពុជានៅលើឆាកអន្តរជាតិ តាមរយៈការចូលរួមក្នុងកងកម្លាំងប្រតិបត្តិការរក្សាសន្តិភាពរបស់អង្គការសហប្រជាជាតិ។ ឯកឧត្តមក៏បានកោតសរសើដល់ការខិតខំប្រឹងប្រែងរបស់អាជ្ញាធរមូលដ្ឋានគ្រប់ជាន់ថ្នាក់ ក្នុងការបម្រើប្រជាពលរដ្ឋ ជាពិសេសការអនុវត្តគោលនយោបាយភូមិ ឃុំ សង្កាត់ មានសុវត្ថិភាព និងបន្តលើកទឹកចិត្តដល់រដ្ឋបាលខេត្ត ស្រុក និងក្រុមប្រឹក្សាឃុំទាំងអស់ ឱ្យខិតខំបំពេញតួនាទី ភារកិច្ចរបស់ខ្លួន ប្រកបដោយការទទួលខុសត្រូវខ្ពស់ ដើម្បីផលប្រយោជន៍ប្រទេសជាតិនិងប្រជាជនពិតប្រាកដ រួមគ្នាជំរុញកម្ពុជាក្លាយជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០ និងជាប្រទេសមានចំណូលខ្ពស់នៅឆ្នាំ២០៥០។ ឯកឧត្តមបានបង្ហាញនូវមោទនភាពជាខ្លាំង ដែលមហាសន្និបាតនៃអង្គការសហប្រជាជាតិ បានបោះឆ្នោត កាលពីថ្ងៃទី១៩ ខែធ្នូ ឆ្នាំ២០២៤ កន្លងទៅ អនុម័តយល់ព្រមឱ្យប្រទេសកម្ពុជាចាកចេញពីបញ្ជីនៃប្រទេសក្រីក្រ នៅឆ្នាំ២០២៩។

ជាកិច្ចបញ្ចប់ លោកប្រធានស្តីទីព្រឹទ្ធសភាបាននាំយកអំណោយមានជាកញ្ចប់ឃីត (Kit) និងថវិកា ជូនដល់អាជ្ញាធរឃុំ ប្រជាការពារឃុំ កងកម្លាំងប្រតិបត្តិការ ព្រមទាំងប្រជាពលរដ្ឋចំនួន ៤៦គ្រួសារ ដែលធ្លាប់ទទួលបានផ្ទះជាអំណោយរបស់រដ្ឋាភិបាលតួកគីយេ តាមរយៈកិច្ចសម្របសម្រួលផ្ទាល់របស់ឯកឧត្តមប្រធានស្តីទី កន្លងមក និងប្រជាពលរដ្ឋចូលរួមចំនួន ៥០០នាក់ផ្សេងទៀត៕

https://image.freshnewsasia.com/2021/id-022/fn-2025-04-02-17-44-17-0.JPGhttps://image.freshnewsasia.com/2021/id-022/fn-2025-04-02-17-44-18-1.JPGhttps://image.freshnewsasia.com/2021/id-022/fn-2025-04-02-17-44-18-2.JPGhttps://image.freshnewsasia.com/2021/id-022/fn-2025-04-02-17-44-19-3.JPGhttps://image.freshnewsasia.com/2021/id-022/fn-2025-04-02-17-44-19-4.JPGhttps://image.freshnewsasia.com/2021/id-022/fn-2025-04-02-17-44-20-5.JPGhttps://image.freshnewsasia.com/2021/id-022/fn-2025-04-02-17-44-21-6.JPGhttps://image.freshnewsasia.com/2021/id-022/fn-2025-04-02-17-44-21-7.JPGhttps://image.freshnewsasia.com/2021/id-022/fn-2025-04-02-17-44-22-8.JPGhttps://image.freshnewsasia.com/2021/id-022/fn-2025-04-02-17-44-23-9.JPGhttps://image.freshnewsasia.com/2021/id-022/fn-2025-04-02-17-44-23-10.JPGhttps://image.freshnewsasia.com/2021/id-022/fn-2025-04-02-17-44-24-11.JPGhttps://image.freshnewsasia.com/2021/id-022/fn-2025-04-02-17-44-25-12.JPGhttps://image.freshnewsasia.com/2021/id-022/fn-2025-04-02-17-44-25-13.JPGhttps://image.freshnewsasia.com/2021/id-022/fn-2025-04-02-17-44-26-14.JPGhttps://image.freshnewsasia.com/2021/id-022/fn-2025-04-02-17-44-27-15.JPGhttps://image.freshnewsasia.com/2021/id-022/fn-2025-04-02-17-44-27-16.JPGhttps://image.freshnewsasia.com/2021/id-022/fn-2025-04-02-17-44-28-17.JPGhttps://image.freshnewsasia.com/2021/id-022/fn-2025-04-02-17-44-28-18.JPGhttps://image.freshnewsasia.com/2021/id-022/fn-2025-04-02-17-44-29-19.JPGhttps://image.freshnewsasia.com/2021/id-022/fn-2025-04-02-17-44-43-0.JPGhttps://image.freshnewsasia.com/2021/id-022/fn-2025-04-02-17-44-43-1.JPGhttps://image.freshnewsasia.com/2021/id-022/fn-2025-04-02-17-44-44-2.JPGhttps://image.freshnewsasia.com/2021/id-022/fn-2025-04-02-17-44-45-3.JPGhttps://image.freshnewsasia.com/2021/id-022/fn-2025-04-02-17-44-45-4.JPGhttps://image.freshnewsasia.com/2021/id-022/fn-2025-04-02-17-44-53-0.JPGhttps://image.freshnewsasia.com/2021/id-022/fn-2025-04-02-17-44-54-1.JPGhttps://image.freshnewsasia.com/2021/id-022/fn-2025-04-02-17-44-55-2.JPGhttps://image.freshnewsasia.com/2021/id-022/fn-2025-04-02-17-44-55-3.JPG News Source: freshnewsasia.com