អាជ្ញាធរជាតិប្រយុទ្ធប្រឆាំងគ្រឿងញៀន និងសមាគមសិល្បករខ្មែរ រួមគ្នាពង្រីកសកម្មភាពផ្សព្វផ្សាយអប់រំពីបញ្ហាគ្រឿងញៀន

Posted By: RoogRog Robot | 03-Apr-2025 15:27:51

2025-04-03 03:21pm

(ភ្នំពេញ)៖ ទទួលបានការអនុញ្ញាតពី នាយឧត្តមសេនីយ៍ មាស វិរិទ្ធ អគ្គលេខាធិការនៃអាជ្ញាធរជាតិប្រយុទ្ធប្រឆាំងគ្រឿងញៀន និងលោកជំទាវអ្នកឧកញ៉ា ម៉ៅ ចំណាន ប្រធានសមាគមសិល្បករខ្មែរ នៅរសៀលថ្ងៃទី៣ ខែមេសា ឆ្នាំ២០២៤ ក្រុមការងាររស្ថាប័ននិងសមាគមទាំងពីរ បានជួបប្រជុំគ្នាដើម្បីពង្រីកសកម្មភាពផ្សព្វផ្សាយ អប់រំ ទូទៅ និងក្នុងឱកាសចូលឆ្នាំប្រពៃណីជាតិខ្មែរ។

ក្នុងនាម នាយឧត្តមសេនីយ៍ មាស វិរិទ្ធ, ឧត្តមសេនីយ៍ឯក លឹម តុងហួត ប្រធាននាយកដ្ឋានផ្សព្វផ្សាយ អប់រំនិងទំនាក់ទំនងសាធារណៈនៃអាជ្ញាធរជាតិប្រយុទ្ធប្រឆាំងគ្រឿងញៀន បានពាំនាំនិងការថ្លែងអំណរគុណពី លោកសន្តិបណ្ឌិត នេត សាវឿន ឧបនាយករដ្ឋមន្ត្រី ប្រធានអាជ្ញាធរជាតិប្រឆាំងគ្រឿងញៀន ដល់សមាគមសិល្បករខ្មែរ ដែលជាដៃគូអនុស្សរណៈជាមួយគ្នាបានខិតខំចូលរួមក្នុងសកម្មភាពផ្សព្វផ្សាយលើកកម្ពស់ចំណេះដឹង ពាក់ព័ន្ធនឹងបញ្ហាគ្រឿងញៀនតាមរយៈការផលិតជាវីដេអូអប់រំខ្លី ចំណាប់អារម្មណ៍តារា ក្នុងឱកាសបុណ្យប្រពៃណីក៏ដូចជាកម្មវិធីសម្តែងផ្សេងៗ ដែលមានសមាជិកសមាគមសិល្បករខ្មែរចូលរួម គឺតែងតែធ្វើការបញ្ជ្រាបខ្លឹមសារអប់រំ ដើម្បីជាការដាស់តឿនដល់ប្រជាពលរដ្ឋទូទៅពីគ្រោះថ្នាក់នៃគ្រឿងញៀន។

ក្នុងនាម លោកជំទាវអ្នកឧកញ៉ា ម៉ៅ ចំណាន, លោកស្រី នៅ សូនីតា អនុប្រធានសមាគម បានថ្លែងអំណរគុណដល់អគ្គលេខាធិការដ្ឋានអាជ្ញាធរជាតិប្រយុទ្ធប្រឆាំងគ្រឿងញៀន ដែលតែងតែធ្វើការសហការជួយដល់សកម្មភាព ផលិតក៏ដូចជាខ្លឹមសារ ដែលអាចឲ្យសិល្បករ សិល្បៈការិនី ជាសមាជិករបស់សមាគម បានយកទៅប្រើប្រាស់ ដើម្បីជាសារជម្រាបជូនសាធារណជនអ្នកទស្សនា ក៏ដូចជាប្រជាពលរដ្ឋទូទៅឲ្យបានយល់ដឹង និងចូលរួមក្នុងសកម្មភាពប្រយុទ្ធប្រឆាំងគ្រឿងញៀន ហើយសកម្មភាពនេះ នឹងបន្ត ពិសេសក្នុងឱកាសចូលឆ្នាំខាងមុខ នឹងផ្សាយវីដេអូតារាចូលរួមសកម្មភាពប្រយុទ្ធប្រឆាំងគ្រឿងញៀន។

ជាមួយគ្នានេះ លោក សុវណ្ណ មករា ក៏ដូចជាលោកឧត្តមសេនីយ៍ត្រី យិន យឿត បានលើកយកនូវគម្រោងឆ្អឹងនៃការគ្រោងថតរឿងអប់រំខ្លីស្ដីពីបញ្ហាគ្រឿងញៀន ដើម្បីចាក់ផ្សាយតាមប្រព័ន្ធនានាសំដៅបង្កើន នូវសកម្មភាពផ្សព្វផ្សាយអប់រំឲ្យបានកាន់តែផុលផុសទំនើប ទាន់សម័យ ឆាប់ទទួលយកបាននោះគឺ៖

* ១៖ សម្ពាធមិត្តភក្តិ រឿងពិតនិងរបៀបនិយាយថាទេចំពោះគ្រឿងញៀន * ២៖ ឪពុកម្ដាយគ្រប់រូបមានតួនាទីអំណាច ក្នុងការទប់ស្កាត់ការប្រើប្រាស់គ្រឿងញៀននិងការញៀនគ្រឿងញៀន * ៣៖ ការស្វែងរកអន្តរាគមន៍ តាមរយៈ App NoDrug : https://nodrugsnacd.com/download_kh ៕













News Source: freshnewsasia.com
LATEST NEWS
វិទ្យុពេលព្រឹក - មេសា ០៤, ២០២៥
MORE NEWS CLICK HERE...