(ភ្នំពេញ)៖ ពលរដ្ឋឥណ្ឌូណេស៊ីជាង ២៥០នាក់ បានជួបជុំគ្នានៅស្ថានទូតឥណ្ឌូណេស៊ី ដើម្បីប្រារព្ធពិធីបុណ្យ រ៉ាម៉ាដាន នាព្រឹកថ្ងៃទី០១ ខែមេសា ឆ្នាំ២០២៥។ នៅក្នុងឱកាសថ្ងៃបញ្ចប់ នៃបុណ្យរ៉ាម៉ាដាន ដែលជាខែនៃបួស ក៏ដូចការតមអាហារ របស់ឥស្លាមសាសនិក។ ពិធីអបអរសាទរនេះត្រូវបានសហការរៀបចំដោយស្ថានទូត និងសហគមន៍ឥស្លាមឥណ្ឌូណេស៊ីនៅកម្ពុជា (IMCC)។

នៅក្នុងឱកាសនោះ ស្ថានទូតបានផ្តល់អាហារឆ្ងាញ់ៗបែបប្រពៃណីដូចជា Lontong (នំអន្សម) Opor Ayam (សាច់មាន់បំពងលាយទឹកដោះគោ និងដូង) sambal goreng (គ្រឿងម្ទេសឆា) និងសាច់គោ rendang (ប្រភេទខគោ) ដើម្បីនាំយកទិដ្ឋភាពពិតនៃប្រទេសឥណ្ឌូណេស៊ី មកកាន់ទីក្រុងភ្នំពេញ។

ឯកអគ្គរដ្ឋទូតឥណ្ឌូណេស៊ី លោក Santo Darmosumarto បានសង្កត់ធ្ងន់ថា៖ <<សម្រាប់ពលរដ្ឋឥណ្ឌូណេស៊ី ដែលមិនបានត្រឡប់ទៅកាន់ប្រទេសកំណើតវិញ នៅក្នុងឱកាសនៃពិធីបុណ្យ រ៉ាម៉ាដាននេះ ជាធម្មតាតែងតែនឹករលឹកដល់ ការប្រារព្ធពិធីបុណ្យនេះ ជាមួយក្រុមគ្រួសាររបស់យើងនៅក្នុងប្រទេសឥណ្ឌូណេស៊ី។ ខ្ញុំសង្ឃឹមថា ការប្រារព្ធពិធីដ៏សាមញ្ញ ប៉ុន្តែដោយភាពស្មោះស្ម័គ្រនៅស្ថានទូតឥណ្ឌូនេស៊ីក្នុងទីក្រុងភ្នំពេញនាពេលនេះ អាចបន្ធូរបន្ថយការនឹករលឹក និងពង្រឹងចំណងមិត្តភាពរវាងឥស្លាមនៅឥណ្ឌូនេស៊ី និងឥស្លាមនៅកម្ពុជា>>។

ក្នុងនាមជាប្រទេស ដែលមានអ្នកកាន់សាសនាឥស្លាមច្រើនជាងគេក្នុងពិភពលោក រ៉ាម៉ាដាន ជាពិធីបុណ្យដ៏ពិសេសសម្រាប់អ្នកកាន់សាសនាឥស្លាមឥណ្ឌូណេស៊ី។ ពេញមួយខែដ៏វិសុទ្ធនេះ ស្ថានទូត និងសហគមន៍ឥស្លាមឥណ្ឌូណេស៊ីនៅកម្ពុជា (IMCC) បានរៀបចំកម្មវិធីផ្សេងៗ រួមទាំងកម្មវិធី ស្រាយបួស iftars ជាមួយសហគមន៍ឥណ្ឌូនេស៊ី កម្មវិធីធ្វើដំណើរ <> ដើម្បីអប់រំកុមារឥណ្ឌូនេស៊ីអំពីសាសនាឥស្លាម និងដំណើរទស្សនកិច្ចផ្សេងទៀត <> នៅវិហារ មហាជីរិន Muhajirin ស្ថិតក្នុងខេត្តកណ្តាលផងដែរ។ នៅទីនោះប្រជាជនឥស្លាមឥណ្ឌូណេស៊ីបានផ្តល់អំណោយដើម្បីគាំទ្រសកម្មភាពសាសនានៅវិហារអ៊ីស្លាម។

លើសពីនេះទៀត IMCC ក៏បានសម្របសម្រួល ក្នងការចែករំលែកចំណីអាហារ ដែលជាអំណោយសប្បុរសធម៌ និងជាការចាំបាច់ ដែលប្រជាជនម៉ូស្លីមត្រូវតែផ្តល់ជូនគ្នាមុនថ្ងៃបញ្ចប់នៃពិធីបុណ្យ រ៉ាម៉ាដាន។ ការចែករំលែកចំណីអាហារ ដែលប្រមូលបាននោះ ត្រូវបានចែកជូនដល់សហគមន៍ឥស្លាមកម្ពុជាក្រីក្រនៅព្រែកប្រា និងតំបន់គីឡូមែត្រលេខ ៧-៩ ដើម្បីជាកាយវិការបង្ហាញពីទឹកចិត្ត ក្នុងឱកាសនៃ ថ្ងៃបិទបញ្ចប់ពិធីបុណ្យ រ៉ាម៉ាដាននេះ។

លោកឯកអគ្គរដ្ឋទូត Santo Darmosumarto បានសម្តែងការពេញចិត្តចំពោះគំនិតផ្តួចផ្តើម ដែលធ្វើឡើងដោយសហគមន៍ឥណ្ឌូណេស៊ីឥស្លាមនៅកម្ពុជា។ លោកបានមានប្រសាសន៍ថា <<ខ្ញុំមានមោទនភាព ដែលឃើញជនជាតិឥណ្ឌូណេស៊ីនៅទីនេះបង្កើតផលវិជ្ជមានដល់បងប្អូនឥស្លាមនៅកម្ពុជា។ ខ្ញុំសង្ឃឹមថាទង្វើសប្បុរសធម៌ទាំងនេះនឹងបន្តបង្កើតឥទ្ធិពលវិជ្ជមានយ៉ាងទូលំទូលាយលើសង្គម>>។

សូមជម្រាបថា ក្នុងរយៈពេល៥ឆ្នាំចុងក្រោយនេះ សហគមន៍ឥណ្ឌូណេស៊ីនៅកម្ពុជា មានការរីកចម្រើនយ៉ាងខ្លាំង។ យោងតាមទិន្នន័យរបស់ក្រសួងការងារ និងបណ្តុះបណ្តាលវិជ្ជាជីវៈ គិតត្រឹមខែធ្នូ ឆ្នាំ២០២៤ មានជនជាតិឥណ្ឌូណេស៊ីចំនួន ១៣១,០០០នាក់ ដែលមានប័ណ្ណការងារនៅកម្ពុជា៕