(ភ្នំពេញ)៖ ស្ត្រី តែងលាក់ភាពសម្ងាត់ខ្ពស់អំពីអារម្មណ៍របស់នាងចំពោះបុរស។ នៅពេលដែលមនុស្សស្រីម្នាក់ ស្រលាញ់រូបអ្នក គឹអ្នកនឹងសម្គាល់ឃើញការផ្លាស់ប្តូរមួយចំនួននៅក្នុងបុគ្គលិកលក្ខណៈរបស់ស្ត្រីម្នាក់នោះ។ អ្វីដែលគួរឱ្យចាប់អារម្មណ៍នោះ គឺស្ត្រីនោះ រំពឹងថា អ្នកនឹងសម្គាល់សញ្ញារបស់នាងទាំងនេះដើម្បីអ្នកត្រូវដឹងថា នាងស្រលាញ់អ្នកយ៉ាងជ្រាលជ្រៅ ហើយអាចចូលទៅជិតនាងជាមួយនឹងសំណើមួយ។ ទោះជាយ៉ាងណាក៏ដោយ ពេលខ្លះ បុរសមិនអាចមិនដឹងច្បាស់ថាអ្វីជាស្នេហា និងអ្វី គឺជាអារម្មណ៍ស្នេហានោះទេ។

អ្នកអាចសន្មតថា នារីម្នាក់ឈ្លក់វង្វេងនឹងអ្នក បើទោះបីជានាងមិនមានអារម្មណ៍ដូចនោះក្តី។ ហើយពេលខ្លះអ្នកប្រហែលជាគិតថា នារីម្នាក់នោះ មើលឃើញរូបអ្នក ត្រឹមតែជាមិត្តម្នាក់ប៉ុណ្ណោះ បើទោះបីជា នាងបានឈ្លក់វង្វេងនឹងអ្នកក៏ដោយ។ វាគ្រាន់តែជាផ្នែកនៃបញ្ហាធម្មជាតិដែលកើតឡើងជាមួយនឹងភាពខុសគ្នារវាងយេនឌ័រតែប៉ុណ្ណោះ។ការរៀនពីរបៀបកំណត់ថា តើនាងស្រលាញ់អ្នកដោយស្មោះ គឺជាជំនាញដែលបុរសគ្រប់រូបត្រូវរៀននិងយល់ដឹង។ ដូច្នេះតើអ្នកធ្វើដូចម្តេច ដើម្បីដឹងថានាងស្រឡាញ់អ្នកខ្លាំងនោះ?

ខាងក្រោមនេះជារឿងមួយចំនួនដែលមនុស្សស្រីធ្វើពេលមានស្នេហា៖

១. នាងយកចិត្តទុកដាក់ចំពោះអ្នក ដូចជាម្តាយ៖អ្នកនឹងដឹងថានាងស្រលាញ់អ្នកខ្លាំងប៉ុណ្ណាដោយផ្អែកលើរបៀបដែលនាងមើលថែអ្នក។ សភាវគតិដូចជាម្តាយ ធ្វើឱ្យនាង ត្រូវធ្វើអ្វីគ្រប់យ៉ាងដើម្បីធានាថាអ្នកនឹងមិនមានជម្ងឺ និងរស់ដោយសុខសប្បាយ។ នាងធ្វើរឿងទាំងអស់នេះម្នាក់ឯង ដោយគ្មានអ្នកណាមកបង្គាប់បង្ខំ ឡើយ ពីព្រោះនាងស្រឡាញ់អ្នកខ្លាំង។

២. នាងសុខចិត្តលះបង់ដើម្បីអ្នក៖មនុស្សស្រីដែលស្រលាញ់អ្នក អាចលះបង់តម្រូវការផ្ទាល់ខ្លួនរបស់នាងសម្រាប់អ្នក។ មនុស្សស្រី មិនអាចចេញមកធ្វើរឿងបែបនេះដើម្បីអ្នកបាន ដោយមិនមានអារម្មណ៍ចំពោះអ្នក ឡើយ។ មនុស្សស្រី ធ្វើការលះបង់ដើម្បីមនុស្សដែលខ្លួនស្រលាញ់។

៣. នាងមានចិត្តល្អ និងអត់ធ្មត់មិនថា អ្នកធ្វើឱ្យនាងឈឺក្បាលប៉ុន្មានដងនោះទេ នាងមិនអាចផ្តាច់ខ្លួនរបស់នាងចេញពីភាពធ្វើល្អចំពោះអ្នកបានឡើយ។ ទោះជានាងខឹងនឹងអ្នក ដោយសារចិត្តអ្នករឹងរូសក៏ដោយ ប៉ុន្តែទីបញ្ចប់ នាងនឹងទន់ជ្រាយ ហើយសួរថា តើអ្នកនឹងមានសុខទុក្ខយ៉ាងណា។ នាងតែងតែអត់ធ្មត់ចំពោះអ្នក ព្រោះនាងជ្រើសរើសមើលពីផ្នែកល្អរបស់អ្នក។

៤. នាងអភ័យទោសឱ្យអ្នក៖មិនថាអ្នកធ្វើបាបនាងប៉ុន្មានដង ឬធ្វើឱ្យនាងខកចិត្តនោះទេ នាងនឹងអត់ទោសឱ្យអ្នកជានិច្ច។ នាងជ្រើសរើសយកការបំភ្លេចនូវអ្វី ដែលអ្នកបានធ្វើ ហើយផ្តល់ឱកាសទីពីរជាច្រើនដងថែម ទៀត។ នាងមិនផ្តោតលើកំហុស និងគុណវិបត្តិរបស់អ្នកទេ។

៥. នាងមិនអត់ធ្មត់ចំពោះអាកប្បកិរិយាអាក្រក់របស់អ្នកទេ៖ទោះបីជានាងស្រលាញ់រូបអ្នកក៏ដោយ នាងក៏នឹងមិនអត់ធ្មត់ចំពោះអាកប្បកិរិយាអវិជ្ជមានរបស់អ្នក ដូចជាការផឹកស្រាជាដើម។ វាមិនសំខាន់ចំពោះនាងទេ ប្រសិនបើអ្នកមិនសប្បាយ ចិតុ្តនូវទង្វើមិនយល់ស្របរបស់នាងចំពោះអ្នកក៏ដោយ។ អ្វីដែលសំខាន់សម្រាប់នាង គឺអ្នកត្រូវកម្ចាត់នូវសកម្មភាពមិនល្អ ឬរបស់ដែលអាចបង្កគ្រោះថ្នាក់ដល់អ្នក។

៦. នាងលើកទឹកចិត្ត និងគាំទ្រអ្នកក្នុងការសម្រេចក្តីសុបិន្តរបស់អ្នក៖នាងចង់ឱ្យអ្នកសម្រេចក្តីសុបិន្តរបស់អ្នក ពីព្រោះនាងចង់ឱ្យអ្នកសប្បាយចិត្ត។ នាងស្រឡាញ់អ្នក ហើយចង់ឱ្យអ្នកសម្រេច និងជោគជ័យក្នុងនាមមនុស្សដែលនាងស្រឡាញ់។ ដោយហេតុផលនេះ នាងនឹងតែងតែលើកទឹកចិត្តអ្នក ឱ្យបន្តនូវគោលដៅរបស់អ្នក ជាពិសេសក្នុងអំឡុងពេលដែលអ្នកខកចិត្តនឹងខ្លួនរបស់អ្នក។ នាងនឹងប្រឹងប្រែងឱ្យអស់ពីសមត្ថភាពដើម្បីជួយ និងគាំទ្រអ្នកគ្រប់មធ្យោបាយ។

៧. នាងនៅជាមួយអ្នកក្នុងគ្រាដ៏ខ្មៅងងឹតបំផុតរបស់អ្នក៖ក្នុងអំឡុងពេលអ្នកធ្លាក់ទឹកចិត្ត នាងតែងតែនៅទីនោះជាមួយអ្នក ដើម្បីជម្រុញទឹកចិត្តអ្នកមិន ឱ្យបាក់ស្រុតឡើយ។ នាងជឿថា អ្នកគឺជាមនុស្សអស្ចារ្យ ហើយអ្នកមានសមត្ថភាពច្រើន។ នាងនឹងមិនចាកចេញពីអ្នក ដោយព្រោះតែអ្នក បានធ្លាក់ខ្លួននោះទេ។ នាងនឹងជួយអ្នកឱ្យមើលឃើញពីតម្លៃរបស់អ្នកម្ដងទៀត ហើយជួយឱ្យអ្នកត្រលប់មកវិញ។

៨. នាងនឹងមិនទទួលយកគុណដោយអ្នកផ្តល់មកវិញទេ៖នាង នឹងធ្វើឱ្យអ្នកមានអារម្មណ៍លើស្នេហាពិតរបស់នាង ដោយការផ្តល់តម្លៃលើអ្វីគ្រប់យ៉ាងដែលអ្នកបានធ្វើសម្រាប់រូបនាង។ នាងមិនភ្លេចអរគុណអ្នក សូម្បីតែរឿងតូចតាចដែលអ្នកធ្វើសម្រាប់នាង។ នាងតែងយកចិត្តទុកដាក់ណាស់ចំពោះតម្រូវការ និងអារម្មណ៍របស់អ្នក ដូច្នេះនាងមិនខ្ជះខ្ជាយកិច្ចខិតខំប្រឹងប្រែងរបស់អ្នកទេ៕