ខ្សែ​ប្រយុទ្ធ​សេណេហ្គាល់ Sadio Mane បាន​និយាយ​កាល​ពី​ពេល​ថ្មីៗ​នេះ​ថា ឱកាស​ការពារ​ពាន Premier League របស់​ក្លឹប Liverpool គឺ​ចប់​ហើយ។

កីឡាករ​រូប​នេះ​បាន​លើកឡើង​ថា៖ " គោលដៅ​របស់​យើង​តាំង​ពី​ដើម​មក​គឺ ឈ្នះ Champions League ឈ្នះ Premier League និង​ឈ្នះ​ពាន​ដទៃៗ​ទៀត​។ តែ​ឥលូវ​ Premier League ចប់​ហើយ "។

Mane បាន​បន្ត​ថា៖ " ប្រាកដ​ហើយ​ថា យើង​មិន​ចុះចាញ់​ទេ តែ​យើង​ត្រូវ​ទទួល​ស្គាល់​ថា Manchester City ជា​ក្រុម​ដ៏​ល្អ​មួយ ហើយ​ឥលូវ​គេ​កំពុង​តែ​ឈាន​ទៅ​រក​ឈ្នះ​ពាន​ហើយ " ។

Liverpool ពេល​នេះ​កំពុង​តែ​ឈរ​លេខ ៦ នៅ Premier League ដោយ​មាន ៤០ពិន្ទុ​ក្នុង​ដៃ​ ខណៈ​ Manchester City កំពុង​ឈរ​នៅ​កំពូល​តារាង​មាន ៥៩ពិន្ទុ៕

ប្រភព៖ Goal ប្រែ​សម្រួល៖ ហ៊ីម រស្មី