ក្លឹបបាល់ទាត់ Angkor Tiger បានចុះចែកអំណោយដល់ប្រជាជន ដែលមានជីវភាពខ្វះខាតក្នុងអំឡុងកូវីដកំពុងផ្ទុះខ្លាំងនេះ នៅ Palm Container ក្នុងខេត្តសៀមរាប។
បើតាមការឲ្យដឹងពីក្លឹប Tiger ថា ការចែកនេះគឺមានប្រជាជនដែលខ្វះខាតប្រមាណជាជាង ១០០ នាក់ ហើយក្នុងម្នាក់ៗទទួលបានអង្ករ ២០ គីឡូក្រាម។ ការចែកជូននេះមានរយៈពេលតែមួយថ្ងៃតែប៉ុណ្ណោះកាលពីថ្ងៃទី២១ ខែកុម្ភៈ ឆ្នាំ២០២១។ ក្នុងនោះក៏មានថវិកាចំនួន ២០០០ ដុល្លារ ដែលបានមកពីសមាគមន៍ អ្នកនាំភ្ញៀវជប៉ុនក្នុងចូលរួមផងដែរ។
រំលឹកថា នេះជាការជួយសង្គមបានមួយផ្នែក ទោះមិនបានច្រើនក៏អាចសម្រួលដល់ប្រជាជនបានខ្លះៗផងដែរ។ Angkor Tiger ជាក្លឹបបាល់ទាត់អាជីពមួយរបស់កម្ពុជា ដែលមានប្រធានក្លឹបជាជនជាតិជប៉ុន ដែលតែងជួយសង្គមកម្ពុជាកន្លងមក៕
អត្ថបទ៖ ស្រី សុវណ្ណដារ៉ា
News Source: news.sabay.com.kh