RoogRog Technology

នៅចុងសប្ដាហ៍មុននេះ មង្គលការប្អូនស្រីថ្លៃ អ្នកឧកញ៉ា ឡេង ណាវ៉ាត្រា បានប្រព្រឹត្តទៅយ៉ាងអធិកអធមបំផុតនៅគេហដ្ឋានរបស់លោកផ្ទាល់ ដោយសារតែមានភ្ញៀវកិត្តិយសចូលរួមយ៉ាងច្រើនកុះករ សុទ្ធតែអ្នកមុខអ្នកការ តារាល្បីៗប្រចាំប្រទេស ឧកញ៉ា អ្នកឧកញ៉ា ឯកឧត្តម លោកជំទាវ ព្រមញាតិមិត្តជិតឆ្ងាយជាច្រើនរូបទៀតបានចូលរួម។

មង្គលការនោះ គឺជាមង្គលការរបស់កូនកំលោះឈ្មោះ ស៊ាង វ៉ាន់ដេត និងកូនក្រមុំ ឈីន ស្រីដែន ដែលជាប្អូនបង្កើតរបស់ភរិយាអ្នកឧកញ៉ាវ័យក្មេង ឡេង ណាវ៉ាត្រា តែម្ដង។ ដោយសារតែជាមង្គលការរបស់សាច់ញាតិរបស់អ្នកឧកញ៉ា និងជាបុគ្គលល្បីឈ្មោះក្នុងសង្គមថែមទៀត គេឃើញថា ភ្ញៀវកិត្តិយសចូលរួមដេរដាសណាស់ ក្នុងនោះ សុទ្ធតែតារាល្បីៗ ដូចជាក្រុមគ្រួសារ ព្រាប សុវត្ថិ ខេម សិរីមន្ត ជាដើម។

ក្រៅពីនេះឧកញ៉ា អ្នកឧកញ៉ា មន្ត្រី ឯកឧត្តម លោកជំទាវជាច្រើនរូបទៀត ក៏មានវត្តមានព្រមគ្នាដែរ ដែលបានធ្វើឲ្យពិធីទាំងមូល អធិកអធមក្រៃលែង។ តោះ...ទស្សនាទិដ្ឋភាពដ៏មហោឡារិកទាំងអស់គ្នា!