មជ្ឈដ្ឋានបាល់ទាត់ទូទៅប្រាកដជាជ្រាបហើយថា លោក Pep Guardiola បានដឹកនាំជោគជ័យខ្លាំងមែនទែននៅក្លឹប Barcelona ដោយបានឈ្នះពាន UEFA Champions League ចំនួន ២ដង (២០០៩ និង ២០១១) តែអ្វីដែលពិសេសនោះគឺ ឈ្នះពាន ៦ ក្នុងមួយរដូវកាល (២០០៩)។
ទោះជាយ៉ាងណាក៏ដោយ លោកក៏បានចាកចេញពីក្លឹប Barcelona នៅឆ្នាំ២០១២ ហើយបន្តដំណើរទៅដឹកនាំនៅអាល្លឺម៉ង់ រួចក៏មកដល់អង់គ្លេសនៅឆ្នាំ២០១៦។ ក្រោយពីលោកចេញពី Barcelona ក្លឹបកាតាឡាន់មួយនេះបានប្ដូរគ្រូបង្វឹកចំនួន ៤រូបហើយ។
Luis Enriqueក្រោយ Pep ចេញភ្លាម ក្លឹបបានតែងតាំងលោក Francesc Tito Vilanova ប៉ុន្តែដោយសារមានជំងឺប្រចាំកាយ លោកក៏បានលាលែងនៅឆ្នាំ២០១៣ ហើយលោកក៏ទទួលមរណភាពមួយឆ្នាំក្រោយ ដោយជំងឺមហារីក។ បន្ទាប់មក Gerardo Tata Martino ក៏ឡើងមកបន្ត ប៉ុន្តែលោកក៏បានចែកផ្លូវជាមួយក្លឹប ក្រោយបរាជ័យក្នុងពានធំៗទាំង ៣ នៅរដូវកាល ២០១៣/១៤។
បន្តមកទៀតគឺលោក Luis Enrique ដែលដឹកនាំពីឆ្នាំ២០១៤ ដល់ឆ្នាំ២០១៧។ លោកបានជួយឲ្យក្លឹបឈ្នះពានចំនួន ៥ នៅរដូវកាលដំបូងរបស់លោក។ លោកលាលែងពីតំណែងនៅឆ្នាំ២០១៧ ក្រោយពីបរាជ័យក្នុង UEFA Champions League។
Ernesto Valverdeពីឆ្នាំ២០១៧ រហូតដល់បច្ចុប្បន្ន លោក Ernesto Valverde បានឡើងមកបន្ត។ ការដឹកនាំក្លឹបរបស់លោក ហាក់បីដូចជាជោគជ័យខ្លាំងនៅក្នុងស្រុក ប៉ុន្តែក្នុងកម្មវិធីទ្វីបអឺរ៉ុបវិញ លោកបានដឹកនាំត្រឹមវគ្គពាក់កណ្ដាលផ្ដាច់ព្រ័ត្រប៉ុណ្ណោះ។ លោកដឹកនាំរហូតដល់រដូវកាល២០១៩/២០ តែនៅដើមរដូវកាលនោះ ទម្រង់លេង Barca ហាក់ដូចជាធ្លាក់បន្តិច ដែលធ្វើឲ្យក្រុមឈ្នះតែមួយប្រកួតប៉ុណ្ណោះក្នុង ៥ប្រកួត។ លោកត្រូវបានក្លឹបបញ្ចប់មុខតំណែងនៅខែមករា ឆ្នាំ២០២០ ក្រោយចាញ់ Atletico Madrid ក្នុងពាន Super Cup អេស្ប៉ាញ។
ក្នុងឆ្នាំ២០២០នេះ Barca តែងតាំងគ្រូ Real Betis លោក Quique Setien មកធ្វើជាគ្រូជំនួស រហូតដល់ចប់រដូវកាល២០១៩/២០។ ពេលចប់រដូវកាលបានមួយភ្លែត Setien បានចែកផ្លូវជាមួយក្លឹប ហើយ Barca ក៏តែងតាំងលោក Ronald Koeman មកជំនួសវិញ៕
អានបន្ត៖Barca តែងតាំងអតីតកីឡាករឆ្នើមរបស់ខ្លួនធ្វើជាគ្រូបង្គោល
ប្រភព៖ FC Barcelona ប្រែសម្រួល៖ ហ៊ីម រស្មី
News Source: news.sabay.com.kh