ពាន់ ភួងបុប្ផា៖ ស្នាដៃភាពយន្ដចេញពីខ្ញុំ នៅសល់មិនច្រើនទៀតទេ
អ្នកនិពន្ធ និងដឹកនាំរឿងចាស់វស្សា ពាន់ ភួងបុប្ផា នៅតែមានបេះដូងស្រឡាញ់វិស័យភាពយន្ត ខណៈដែលរូបកាយកាន់តែទ្រុឌទ្រោម ដោយចូលវ័យជរា។ លោកស្រីបញ្ជាក់ថា ទាំងពេលវេលា និងភាពយន្តចេញពីស្នាដៃរបស់លោកស្រី នៅសល់មិនច្រើនទៀតទេ មុនពេលដែលលោកស្រីឈប់ទាំងស្រុងពីអាជីពមួយនេះ។
អ្នកនិពន្ធ និងដឹកនាំរឿង ពាន់ ភួងបុប្ផា បានថ្លែងបែបនេះទៅកាន់តារាសម្ដែង និងទស្សនិកជនប្រមាណ១០០នាក់ នៅរោងភាពយន្ត Prime Cineplex ក្នុងឱកាសដែលលោកស្រីចូលរួមក្នុងពិធីសម្ពោធដាក់បញ្ចាំងរឿង"កុមារីអាយុ២៥ឆ្នាំវគ្គ៣" កាលពីយប់មិញ។
ក្នុងរយៈ៣២ឆ្នាំ ដែលលោកស្រី បានប្រឡូកក្នុងអាជីពនិពន្ធ និងដឹកនាំរឿងសរុបជាង១០០រឿង គឺមានរឿងតែ៤ប៉ុណ្ណោះដែលលោកស្រីពេញចិត្តបំផុត។ ក្នុងនោះក៏មានរឿង"កុមារីអាយុ២៥ឆ្នាំ"ដែរ។
គ្រប់រឿងដែលលោកស្រីនិពន្ធសុទ្ធតែបង្កប់នូវអត្ថន័យអប់រំ។ ជាក់ស្ដែងរឿង"កុមារីអាយុ២៥ឆ្នាំវគ្គ៣" នេះ បានបង្កប់នូវសារអប់រំស្ដីពីគ្រោះថ្នាក់ចរាចរណ៍៖"យើងមើលពិភពលោកកំពុងរាតត្បាតដោយជំងឺកូវីដ-១៩ តែនៅស្រុកយើងនេះគ្រោះថ្នាក់ចរាចរណ៍បណ្ដាលឲ្យរបួស និងស្លាប់គួរឲ្យខ្លាចជាងកូវីដ-១៩ ទៀត"។
រឿង"កុមារីអាយុ២៥ឆ្នាំវគ្គ៣" នឹងចាក់បញ្ចាំងជាផ្លូវការនៅរោងភាពយន្ត Prime Cineplex ជាផ្លូវការចាប់ពីថ្ងៃទី១៧ ខែកញ្ញា ឆ្នាំ២០២០ តទៅ។ បើតាមលោកស្រី ពាន់ ភួងបុប្ផា ដែលជាម្ចាស់ស្នាដៃភាពយន្តខ្នាតធំមួយនេះ "កុមារីអាយុ២៥ឆ្នាំវគ្គ៣" នឹងបន្តចាក់តាមរោងភាពយន្តល្បីៗរបស់កម្ពុជា រហូតទាល់តែអ្នកចូលទស្សនាធ្លាក់នៅក្រោម១៥% នៃកៅអីដាក់អង្គុយទស្សនា៕
អត្ថបទ៖ ជិន សុភ័ក្ដ្រ
News Source: news.sabay.com.khLATEST NEWS
Klopp ថាឈ្នះ Arsenal មិនចម្លែកទេ ព្រោះ Liverpool លេងល្អយូរហើយ
ច្បាស់ហើយ! វីរុសកូរ៉ូណាកើតឡើងតាមធម្មជាតិ
សំរាមរាប់តោនពីអង់គ្លេសត្រូវ ស្រីលង្កាបញ្ជូនតាមកប៉ាល់ត្រឡប់ទៅវិញ
ក្ដៅៗ ! កម្ពុជារកឃើញវិជ្ជមានកូវីដថ្មីចំនួន១នាក់ ជាជនជាតិចិន
សមាគមបាល់ទាត់អាល្លឺម៉ង់សារភាពកំហុស ដែលធ្វើឲ្យ Ozil ចាកចេញពីជម្រើសជាតិ
Aubameyang និយាយចំៗថា ខ្លួនសុខចិត្តបដិសេធក្លឹបធំមកពីលីគអេស្ប៉ាញ ដើម្បីតែ Arsenal
Otamendi ចែកផ្លូវគ្នាជាមួយ Manchester City ក្រោយរួមរស់អស់ជាង ៥ឆ្នាំ
Man City ឆ្លៀតទិញបានខ្សែការពារម្នាក់ទៀតពីព័រទុយហ្គាល់
ប្រាក់រង្វាន់ ៣២០០០ដុល្លារ កំពុងរង់ចាំជើងខ្លាំងចូលរួមព្រឹត្តិការណ៍កីឡាអេឡិចត្រូនិចដ៏ធំសម្បើមមិនធ្លាប់មាន
