រដ្ឋដែលមានប្រជាជនច្រើនបំផុតទី២ នៅអូស្ត្រាលីគឺ រដ្ឋ Victoria បានរាយការណ៍ថា មានការឆ្លងវីរុសថ្មីចំនួន៣៩៧ ករណី កាលពីថ្ងៃសៅរ៍ទី១ សីហា។ តួលេខនេះ ធ្លាក់ចុះជាងមួយភាគបី គិតត្រឹមថ្ងៃសុក្រសប្ដាហ៍មុន ប៉ុន្តែអាជ្ញាធរបាននិយាយថា ពួកគេកំពុងពិចារណាលើការរឹតបន្តឹងបន្ថែមទៀត ខណៈដែលចំនួននៅតែគួរឱ្យព្រួយបារម្ភ។
អភិបាលរដ្ឋ Victoria លោក Daniel Andrews បាននិយាយថា មនុស្ស៣ នាក់បានស្លាប់ ដោយសារកូវីដ-១៩ ក្នុងរយៈពេល២៤ ម៉ោងគិគិតមកដល់ព្រឹកថ្ងៃសៅរ៍នេះ។ ប្រការនេះនាំឱ្យការស្លាប់មនុស្សក្នុងរដ្ឋមួយនេះ មានកំណើនដល់១១៦នាក់ និងចំនួនសរុបរបស់អូស្រ្តាលីដល់ ២០១នាក់។
លោក Andrews បានប្រាប់សន្និសីទសារព័ត៌មានខ្លីមួយតាមទូរទស្សន៍ថា “ចំនួននេះគឺខ្ពស់ពេកហើយមានករណីកាន់តែកើនឡើងសម្រាប់ពួកយើងដើម្បីធ្វើអ្វីៗបន្ថែមទៀត”។
ប្រទេសអូស្រាលី មានឆ្លងជំងឺកូវីដ១៩ សរុបចំនួន ១៧,២៨២ នាក់ ក្នុងនោះមានអ្នកស្លាប់សរុបទូទាំងប្រទេស ២០១នាក់ គិតត្រឹមថ្ងៃសៅរិ៍ ទី១ ខែសីហា ឆ្នាំ២០២០នេះ៕
ប្រភព៖ CNA ប្រែសម្រួល៖ វិបុត្រ
News Source: news.sabay.com.kh