កម្មវិធីទូរស័ព្ទដែលមានប្រភពមកពីប្រទេសចិនចំនួន៤៩មុខត្រូវបានប្រទេសឥណ្ឌាប្រកាសហាមមិនឲ្យពលរដ្ឋខ្លួនទាញយកទៅប្រើប្រាស់ ដោយសារកម្មវិធីទាំងនោះអាចប៉ះពាល់ដល់សន្តិសុខជាតិ និងឯកជនភាព។
ក្នុងចំណោមកម្មវិធីទាំងនោះ WeChat និង TikTok ដ៏មានប្រជាប្រិយភាពក៏ជាប់បម្រាមរបស់រដ្ឋាភិបាលឥណ្ឌាផងដែរ។ ការរឹតបណ្ដឹងកម្មវិធីទូរស័ព្ទរបស់ចិនកើតឡើងក្រោយ ឥណ្ឌា និងចិនកំពុងធ្លាក់ចុះទំនាក់ទំនងការទូតបន្ទាប់ពីមានការប៉ះទង្គិចដោយយោធានៅតាមបន្ទាត់ព្រំដែនជាច្រើនលើកមកហើយ។
បន្ថែមពីនោះឥណ្ឌាបានអះអាងថាខ្លួនបានទទួលពាក្យបណ្ដឹងជាច្រើនដែលចោទប្រកាន់ថាកម្មវិធីទាំងអស់នេះបានលួចយកទិន្នន័យអ្នកប្រើប្រាស់ និងរំលោភលើសិទ្ធិឯកជនរបស់អ្នកប្រើប្រាស់៕
ប្រភព៖ CNN ប្រែសម្រួល៖ សៀនហួរ
News Source: news.sabay.com.kh