(ភ្នំពេញ)៖ នាថ្ងៃចន្ទ ០១រោច ខែពិសាខ ឆ្នាំម្សាញ់ សប្តស័ក ព.ស ២៥៦៩ ត្រូវនឹងថ្ងៃទី ១២ ខែឧសភា ឆ្នាំ២០២៥ ឧកញ៉ា តែ តាំងប៉ ប្រធានក្រុមប្រឹក្សាភិបាល នៃសមាគមមូលនិធិសម្ដេចតេជោ និង ជាប្រធានសម្ព័ន្ធសមាគមសហគ្រាសធុនតូច និងមធ្យមកម្ពុជា បានដឹកនាំសមាជិកក្រុមប្រឹក្សាភិបាល ចូលរួម​កិច្ចប្រជុំពិភាក្សាស្តីពីការសិក្សាអំពីកាលានុវត្តភាពវិនិយោគ និងជំរុញការអភិវឌ្ឍក្នុងខេត្តទាំងបួននៅភូមិភាគឦសាន និងស្នើសុំអនុសាសន៍ពីក្រសួងសេដ្ឋកិច្ចក្នុងការបង្កើត SME Cluster នៅក្នុងខេត្តទាំង៤នៅភូមិភាគឦសាន ក្រោមអធិបតីភាព <<ឯកឧត្តមបណ្ឌិតសភាចារ្យ ហ៊ាន សាហ៊ីប ទីប្រឹក្សាសម្តេចធិបតីនាយករដ្ឋមន្ត្រី និងជាប្រធានក្រុមការងារជំរុញការវិនិយោគក្នុងភូមិភាគឦសាន (ក.វ.ឦសាន)>> នៅទីស្តីការក្រសួងសេដ្ឋកិច្ច និងហិរញ្ញវត្ថុ៕