(ប៉េកាំង)៖ នៅថ្ងៃទី ១៧ ខែមករា ការហាត់សមលើកទី ៣ នៃកម្មវិធីរាត្រីសមោសរអបអរសាទរបុណ្យចូលឆ្នាំចិ នឆ្នាំ២០២៥ នៃអគ្គស្ថានីយវិទ្យុនិងទូរទស្សន៍មជ្ឈិមចិន បានបញ្ចប់ដោយជោគជ័យ។

ឆាកសម្តែងបន្ទាប់បន្សំចំនួន៤ នៅក្រុង Chongqing, ក្រុង Wuhan ខេត្តHubei, ក្រុងLhasa ភូមិភាគស្វយ័តXizang និងក្រុងWuxi ខេត្ត Jiangsu បានបង្ហាញមុខជាលើកដំបូង ហើយបានសម្រេចការហាត់សមកម្មវិធីជាមួយនឹង ឆាកសម្តែងសំខាន់នៅក្រុងប៉េកាំង។ កម្មវិធីច្រៀង រាំ សៀករហស្សកម្ម ក្បាច់គុននិងកម្មវិធីផ្សេងទៀតប្រកបដោយការច្នៃប្រឌិតថ្មី កម្មវិធីរាត្រីសមោសរទាំងមូលត្រូវបានរៀបចំចាត់ចែងនិងសម្តែងបានយ៉ាងរលូន។

កម្មវិធីបង្ហាញលើឆាកសម្តែងបន្ទាប់បន្សំចំនួន៤ខាងលើ បង្ហាញពីការអភិវឌ្ឍរបស់ចិនក្នុងយុគសម័យថ្មី និងមានលក្ខណៈពិសេសនៃទំនៀមទម្លាប់ ប្រជាប្រិយខុសៗគ្នាក្នុងតំបន់នានា ដើម្បីបង្ហាញពីទេសភាពដ៏ស្រស់ស្អាត និងទិដ្ឋភាពអភិវឌ្ឍន៍ក្នុងគ្រប់វិស័យរបស់ចិន។

អគ្គស្ថានីយវិទ្យុនិងទូរទស្សន៍មជ្ឈិមចិនក៏បានរៀបចំធ្វើសកម្មភាព “កម្មវិធីអបអរទទួលរាត្រីសមោសរអបអរសាទរ បុណ្យចូលឆ្នាំថ្មីប្រពៃណីចិន” ដើម្បីធ្វើឱ្យទស្សនិកជនអន្តរជាតិឈ្វេងយល់ ពីបរិយាកាសសប្បាយរីករាយក្នុង ឱកាសបុណ្យចូលឆ្នាំចិននិងកម្លាំងទាក់ទាញរបស់វប្បធម៌ចិន តាមរយៈការសម្តែងសិល្បៈ ការដកបទពិសោធពីបេតិកភណ្ឌវប្បធម៌អរូបី និងការចាក់ផ្សាយកម្មវិធីជាដើម។

កម្មវិធីរាត្រីសមោសរអបអរសាទរបុណ្យចូលឆ្នាំចិន របស់អគ្គស្ថានីយវិទ្យុនិងទូរទស្សន៍មជ្ឈិមចិន បានក្លាយជានាមប័ណ្ណវប្បធម៌មួយ ដើម្បីឱ្យពិភពលោកឈ្វេងយល់ពីប្រទេសចិន៕

វិទ្យុមិត្តភាពកម្ពុជាចិន