(ភ្នំពេញ)៖ បេក្ខជនដែលបានដាក់ពាក្យស្នើសុំអាហារូបករណ៍ សម្តេចអគ្គ​មហា​សេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត តាមរយៈ​សម្តេច​​មហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី សម្រាប់ការសិក្សាថ្នាក់បរិញ្ញាបត្ររង សិក្សានៅវិទ្យាស្ថាន​ជាតិពាណិជ្ជ​សាស្រ្ត, វិទ្យាស្ថានវីឌីស៊ី, វិទ្យាស្ថានជាតិសហគ្រិនភាព និងនវានុវត្តន៍, វិទ្យា​ស្ថាន​ពហុបច្ចេកទេសតេជោសែន និងសាកលវិទ្យាល័យអាយអាយស៊ី​នៃ​បច្ចេក​វិទ្យា សម្រាប់​ឆ្នាំ​សិក្សា២០២៤-២០២៥ ត្រូវបាន​ក្រុមការងារ​ជ្រើស​រើស​​រួច​រាល់ហើយ។

សូមបេក្ខជនជាប់ស្ថាពរ ត្រូវបន្តនីតិវិធីដើម្បីចូលសិក្សាដូចខាងក្រោម៖

ដំណាក់កាលទី១៖ ត្រូវផ្តល់ការបញ្ជាក់ពីការទទួលយកអាហារូបករណ៍ ដោយ​មកបង្ហាញខ្លួនជាចាំបាច់ នៅស្នាក់ការអាហារូបករណ៍ ដែលមាន​អាសយ​ដ្ឋាន​ផ្ទះលេខ៤ ផ្លូវលេខ៥២២ សង្កាត់បឹងកក់១ ខណ្ឌទួលគោក រាជធានី​ភ្នំពេញ (សូមភ្ជាប់មកជាមួយនៅសលាកបត្រឯកត្តជន ដែលយក​ចេញពីប្រព័ន្ធ​ចុះ​ឈ្មោះ​អាហារូបករណ៍) ត្រឹមថ្ងៃទី១៥ ខែមករា ឆ្នាំ២០២៥ វេលាម៉ោង ១៧៖០០​នាទី ជាកំហិត។ ក្នុងករណីបេក្ខជនជាប់ស្ថាពរ ពុំមក​បង្ហាញខ្លួនតាមកាល​បរិ​ច្ឆេទ​ដូចបានកំណត់គណៈកម្មាធិការចាត់ទុកថាបេក្ខជន​បោះបង់សិទ្ធិ​ទទួល​អាហា​រូបករណ៍។

ដំណាក់កាលទី២៖ ត្រូវដាក់ពាក្យចូលរៀននៅគ្រឹះស្ថានឧត្តមសិក្សា​នីមួយៗ៕