(តាកែវ)៖ លោក វ៉ី សំណាង អភិបាលខេត្តតាកែវនៅព្រឹកថ្ងៃពុធទី៨ ខែមករា ឆ្នាំ២០២៥ បានអញ្ជើញចុះជួបសំណេះសំណាល និងសាកសួរសុខទុក្ខបងប្អូនអាជីវករលក់ដូរនៅផ្សារកសិផលសម្ដេចវិបុលបញ្ញាសុខអានទន្លាប់ ភូមិ១ផលិតផល១ និងផ្សារទន្លាប់ ស្រុកគិរីវង់។

នៅក្នុងការចុះសួរសុខទុក្ខដល់បងប្អូនជីវករលក់ដូរនៅផ្សារខាងលើ លោកអភិបាលខេត្តតាកែវ បានណែនាំអាជ្ញាធរ និងសមត្ថកិច្ចមូលដ្ឋាន រួមទាំងគណៈគ្រប់គ្រងផ្សារ ត្រូវធ្វើការទទួលខុសត្រូវខ្ពស់ លើការងារសន្តិសុខ សុវត្ថិភាព និងការរៀបចំសណ្តាប់ធ្នាប់នៅក្នុងផ្សារ និងជុំវិញផ្សារអោយបានល្អប្រសើរ។

នៅក្នុងឱកាសនោះលោកអភិបាលខេត្តតាកែវ បានសំណូមពរដល់បងប្អូនអាជីវករទាំងអស់ សូមចូលរួមលើកកម្ពស់អនាម័យ បរិស្ថាន ទុកដាក់សំរាមឲ្យបានត្រឹមត្រូវ ចៀសវាងបោះចោលសំរាមពាសវាលពាសកាល និងត្រូវដាក់ទំនិញលក់ដូរ ឱ្យមានសណ្តាប់ធ្នាប់ចៀសវាងការដាក់តាំងលក់នៅលើចិញ្ចើមផ្លូវបណ្តាលឱ្យកកស្ទះចរាចរណ៍៕