(វ៉ាស៉ីនតោន)៖ គណៈកម្មាធិការសាខាបក្សគណបក្សប្រជាជនកម្ពុជាប្រចាំទីក្រុងវ៉ាស៊ីនតោន បានដឹកនាំក្រុមការងាររៀបចំពិធីអបអរសាទរខួបលើកទី៤៦ ទិវាជ័យជម្នះ៧មករា ជាមួយប្រតិភូក្រុមការងាររៀបចំអង្គការ ចាត់តាំងយុវជនគណបក្សប្រជាជនកម្ពុជា នៃតំបន់ឆ្នេរខាងលិច នៅសហរដ្ឋអាមេរិក។

អ្នកចូលរួមនាឱកាសនោះមានលោក ស សេរីវិចិត្រ ប្រធានក្រុមការងាររៀបចំអង្គការងារចាត់តាំងយុវជនគណបក្សប្រជាជនកម្ពុជាតំបន់ឆ្នេរខាងលិច នៅសហរដ្ឋអាមេរិក, លោក ណុប ដារ៉ា អនុប្រធានក្រុមការងាររៀបចំអង្គការ ចាត់តាំងយុវជនគណបក្សប្រជាជនកម្ពុជា នៃតំបន់ឆ្នេរខាងលិច នៅសហរដ្ឋអាមេរិក និងជាប្រធានក្រុមការងារប្រចាំរដ្ឋវ៉ាស៉ីនតោន, លោក ស៊ូ ស៉ីវុត្ថា អនុប្រធានក្រុមការងាររៀបចំអង្គការចាត់តាំងយុវជគណបក្សប្រជាជនកម្ពុជា រដ្ឋវ៉ាស៊ីនតោន នៃតំបន់ឆ្នេរខាងលិច នៅសហរដ្ឋអាមេរិក និងមានការចូលរួមពីគណៈកម្មាធិការសាខាបក្ស សហគមន៍ខ្មែរ-ឥស្លាម សមាគមខ្មែរ-ចិន ភ្ញៀវជាតិនិងអន្តរជាតិ សមាជិក-សមាជិកាយុវជនបក្ស សកម្មជនបក្ស សរុបប្រមាណ៥២៥នាក់។

លោក ស សេរីវិចិត្រ បានពាំនាំបណ្តាំសួរសុខទុក្ខពីសម្តេចបវរធិបតី ហ៊ុន ម៉ាណែត និងលោក ម៉ឹង ពន្លក និងបានថ្លែងនូវការកោតសសើរ និងអរគុណជូនចំពោះថ្នាក់ដឹកនាំគណៈកម្មាធិការសាខាគណបក្ស សហគមន៍ខ្មែរ-ឥស្លាម សមាគមន៍ខ្មែរ-ចិន ព្រមទាំងសមាជិក-សមាជិកា ដែលបានលះបង់នូវស្មារតី កម្លាំងកាយ កម្លាំងចិត្ត ព្រមទាំងធនធានផ្ទាល់ខ្លួន នាពេលកន្លងមក។

ប្រតិភូ និងក្រុមការងារបានធ្វើការថតរូបទុកជាអនុស្សាវរីយ៍ប្រកបដោយភាពរីករាយរាក់ទាក់ជាមហាគ្រួសារខ្មែរ និងស្និទ្ធស្នាលបំផុត៕