ប្រធានាធិបតី ត្រាំ គ្រោងកំណត់យកភាសាអង់គ្លេស ជាភាសាផ្លូវការរបស់សហរដ្ឋអាមេរិក ដែលជាចំណុចស៊ើបមួយនៅតាមរដ្ឋមួយចំនួន
2025-02-28 10:29pm (វ៉ាស៊ីនតោន)៖ ប្រធានាធិបតីអាមេរិក ដូណាល់ ត្រាំ នឹងចុះហត្ថលេខាលើបទបញ្ជាប្រតិបត្តិមួយ ដើម្បីកំណត់យកភាសាអង់គ្លេសជាភាសាផ្លូវការរបស់សហរដ្ឋអាមេរិក នេះបើតាមប្រភពដែលដឹងពីបញ្ហានេះបានប្រាប់ឱ្យដឹងកាលពីថ្ងៃសុក្រ។
កាសែត Wall Street Journal គឺជាអ្នករាយការណ៍ព័ត៌មាននេះមុនគេ។ ទោះយ៉ាងណា ប្រភពមិនបានបញ្ជាក់ពីពេលវេលាជាក់លាក់នៃការចុះហត្ថលេខាលើបទបញ្ជានេះទេ។ សហរដ្ឋអាមេរិកមិនធ្លាប់មានភាសាផ្លូវការនៅកម្រិតសហព័ន្ធនោះទេ ប៉ុន្តែបញ្ហានេះបានក្លាយជាចំណុចរសើបនៅតាមរដ្ឋមួយចំនួន។
ការប្រើប្រាស់ភាសាអេស្ប៉ាញក្នុងជីវិតសាធារណៈ បានបង្កឱ្យមានភាពចម្រូងចម្រាសជាច្រើនឆ្នាំមកហើយ រួមទាំងនៅរដ្ឋតិចសាស់ ដែលសមាជិកព្រឹទ្ធសភារដ្ឋនេះ កាលពីឆ្នាំ ២០១១ បានទាមទារឱ្យសកម្មជនសិទ្ធិជនអន្តោប្រវេសន៍និយាយភាសាអង់គ្លេស ជំនួសភាសាអេស្ប៉ាញដែលជាភាសាកំណើតរបស់ពួកគេ នៅឯសវនាការនីតិបញ្ញត្តិ។
ហេតុការណ៍នោះ បានធ្វើឱ្យមានការជជែកដេញដោលអស់ជាច្រើនទសវត្សរ៍ ជុំវិញភាពត្រឹមត្រូវនៃការនិយាយភាសាអេស្ប៉ាញនៅរដ្ឋតិចសាស់ ដែលធ្លាប់ជាផ្នែកមួយនៃប្រទេសម៉ិកស៊ិក និងមុននោះជាផ្នែកមួយនៃចក្រភពអេស្ប៉ាញ។
គួរបញ្ជាក់ថា សម្រាប់ប្រជាជនអាមេរិកដើមកំណើតម៉ិកស៊ិកជាច្រើន បញ្ហានេះបានរំឭកពីអតីតកាលដ៏ឈឺចាប់នៅពេលដែល ពួកគេធ្លាប់ទទួលរងការដាក់ទណ្ឌកម្ម នៅតាមសាលារៀនដោយសារតែការនិយាយភាសាអេស្ប៉ាញ ក្នុងទសវត្សរ៍ឆ្នាំ ១៩៥០។
ការសម្រេចចិត្តនេះអាចនឹងបង្កឱ្យមានប្រតិកម្មខ្លាំង និងជម្លោះវែកញែក ជុំវិញបញ្ហាភាសា និងអត្តសញ្ញាណជាតិនៅសហរដ្ឋអាមេរិក៕
LATEST NEWS
ឆ្នាំ២០២៤៖ ចិនប្រើថាមពលកកើតឡើងវិញច្រើន តែបញ្ចេញផ្សែងពុលក៏ច្រើនដែរ
សម្រាំងព័ត៌មានប្រចាំថ្ងៃ៖ ២៨ កុម្ភៈ ២០២៥
កិច្ចប្រជុំសេតវិមាន Trump-Zelenskyy ស្តីពីកិច្ចព្រមព្រៀងរ៉ែក្លាយជាការស្រែកដាក់គ្នា
កូដករណាហ្គាវើលដ៍៖ ចោទក្រសួងការងាថាជា «ខ្នងបង្អែក ថៅកែក្រុមហ៊ុនណាហ្គាវើលដ៍»
អាមេរិកចេញសារអាសន្នសន្តិសុខ ក្រោយថៃបណ្តេញជនជាតិអ៊ុយហ្គួរទៅចិន
មូលហេតុបណ្តាលឲ្យមានការកើនឡើងចំនួនកុមារ កើតជំងឺទឹកនោមផ្អែម
#ខ្លីៗពីអាស៊ីសេរី [២៣០]៖ គណបក្សសង្គ្រោះជាតិនឹងរៀបចំសមាជមហាជន ដើម្បីស្ដារប្រជាធិបតេយ្យ
រោងចក្រកាត់ដេរអាមេរិកសាងសង់ទារកដ្ឋានដើម្បីជួយកម្មករខ្មែរ
រដ្ឋាភិបាលកម្ពុជាថា ខ្លួនតែងតែអនុវត្តការដាក់ទណ្ឌកម្មលើកូរ៉េខាងជើង
