(ទុយនីស៊ី)៖ អាជ្ញាជរបានឱ្យដឹងថា យ៉ាងហោចណាស់មនុស្ស ២៧នាក់ បានស្លាប់ បន្ទាប់ពីទូកជនចំណាកស្រុក ២គ្រឿង បានលិចនៅក្នុងដែនទឹកនៃទីក្រុង Sfax ប្រទេសទុយនីស៊ី នៅថ្ងៃព្រហស្បតិ៍នេះ។ នេះបើយោងតាមការចេញផ្សាយដោយ ទីភ្នាក់ងារសារព័ត៌មាន Reuters។

ឆ្មាំឆ្នេរសមុទ្រទុយនេស៊ី បានស្រង់សាកសពជនចំណាកស្រុក ទាំង ២៧នាក់ និងបានជួយសង្គ្រោះមនុស្ស ៨៧នាក់ផ្សេងទៀត។ ជនរងគ្រោះទាំងអស់ គឺជាជនចំណាកស្រុកអាហ្វ្រិក ដែលកំពុងព្យាយាមឆ្លងកាត់សមុទ្រមេឌីទែរ៉ាណេ ទៅកាន់ទ្វីបអឺរ៉ុប។

ទីក្រុង Sfax គឺជាចំណុចចេញដំណើរដ៏ពេញនិយមមួយ សម្រាប់ជនចំណាកស្រុក ដែលចង់ទៅអឺរ៉ុប។ កាលពីខែមុន ក៏មានករណីលិចទូកស្រដៀងគ្នានេះដែរ ដែលបានសម្លាប់ជនចំណាកស្រុក ជាច្រើននាក់។

គួរបញ្ជាក់ថា ប្រទេសទុយនីស៊ីកំពុងប្រឈមមុខនឹងវិបត្តិចំណាកស្រុក កាន់តែធ្ងន់ធ្ងរឡើង ដោយសារជនចំណាកស្រុក មកពីប្រទេសផ្សេងៗនៅទ្វីបអាហ្វ្រិក កំពុងប្រើប្រាស់ប្រទេសនេះ ជាចំណុចចេញដំណើរឆ្ពោះទៅកាន់អឺរ៉ុប។ ហេតុការណ៍លិចទូកជាច្រើនលើកចុងក្រោយនេះ បានបង្ហាញពីគ្រោះថ្នាក់ នៃការធ្វើដំណើរតាមសមុទ្រ និងបានបង្កឱ្យមានការអំពាវនាវ សម្រាប់ដំណោះស្រាយដើម្បីដោះស្រាយវិបត្តិចំណាកស្រុកនេះ៕