(កំពង់ចាម)៖ លោក ហែម សុវត្ថិ ប្រធានក្រុមការងាររាជរដ្ឋាភិបាលចុះមូលដ្ឋានឃុំកោះសូទិន បានផ្ដួចផ្ដើមឱ្យមានការរៀបចំសម្ដែងទស្សនីយភាព <<ល្ខោនបាសាក់>> ជូនប្រជាពលរដ្ឋបានទស្សនាកម្សាន្តជាលើកទី២ កាលពីរាត្រីថ្ងៃទី៣១ ខែធ្នូ ឆ្នាំ២០២៤ ស្ថិតនៅក្នុងភូមិទី១១ បរិវេណវត្តពោធិរិទ្ធ ហៅវត្តត្នោត ដោយមានការចូលរួមទស្សនាយ៉ាងច្រើនកុះករពីបងប្អូនប្រជាពលរដ្ឋ។

ការរៀបចំផ្ទាំងទស្សនីយភាពនេះ គឺជាការចូលរួមអបអរសាទរក្នុងឱកាសបុណ្យចូលឆ្នាំសកលឆ្នាំ២០២៥ ដើម្បីបង្កលក្ខណៈសប្បាយរីករាយជូនប្រជាពលរដ្ឋក្នុងឃុំកោះសូទិន ក្រោមម្លប់សន្តិភាព ដែលមាន សម្តេចតេជោ ជាប្រធានគណបក្សប្រជាជនកម្ពុជា និងសម្តេចធិបតី ជានាយករដ្ឋមន្ត្រីនៃកម្ពុជា៕