(ភ្នំពេញ)៖ វគ្គសិក្សាថ្មីអំពី <<ជំនាញ MC និងតិចនិកសម្ភាសន៍ ប្រកបដោយប្រសិទ្ធភាព>> របស់មជ្ឈមណ្ឌលបណ្តុះបណ្តាលព័ត៌មាន Fresh News (FTC) នឹងចាប់ផ្តើមចូលសិក្សានៅខែក្រោយនេះហើយ។

MC និងសម្ភាស ជាជំនាញថ្មីមួយបន្ថែមលើជំនាញមួយចំនួន ដែល FTC កំពុងបើកវគ្គបណ្តុះបណ្តាលនាពេលបច្ចុប្បន្ន ក្នុងនោះរួមមាន៖ មូលដ្ឋានគ្រឹះនៃការសរសេរព័ត៌មាន, ការសរសេរដំណឹងក្តៅ, ការសរសេរ និងផលិតបទយកការណ៍, ការសរសេរ និងផលិតព័ត៌មានស៊ើបអង្កេត, ការសរសេរបទវិភាគ និងវិចារណកថា, ការសរសេរ និងផលិតព័ត៌មានសេដ្ឋកិច្ច និងជំនួញ រួមទាំង ជំនាញថតរូបជាដើម។

សម្រាប់វគ្គសិក្សាអំពី <<ជំនាញ MC និងតិចនិកសម្ភាសន៍>> នឹងមានការអញ្ជើញធ្វើបទបង្ហាញ១សប្តាហ៍ម្តង ដោយវាគ្មិន លោកបណ្ឌិត ប្រាក់ សម្ជស្ស ដែលលោកមានជំនាញខាង MC និងសម្ភាសន៍ រយៈពេលជាង២០ឆ្នាំ និងឆ្លងកាត់បទពិសោធន៍ជាមួយទូរទស្សន៍ល្បីៗជាច្រើន។

វគ្គបណ្ដុះបណ្ដាលជំនាញ MC នឹងផ្ដោតជាសំខាន់ទៅលើជំនាញនៅក្នុងកិច្ចការសម្ភាស បើកកម្មវិធី ការវិភាគ ការយល់ដឹងស្ថានភាពពិភពលោកទូលំទូលាយ ការយល់ដឹងអំពីរបៀបចោទសួរនិងឆ្លើយ ការយល់ដឹងអំពីរបៀបឆ្គឹះសំនួរធ្វើឱ្យវាគ្មិនឆ្លើយបានល្អជាដើម។

ការសិក្សាវគ្គថ្មីនេះ សិក្ខាកាម នឹងយល់ដឹងអំពីបរិបទ ឬក៏ខ្លឹមសារមុននឹងសម្ភាសន៍។ MC ត្រូវមានការយល់ដឹងទូលំទូលាយ ហើយ MC ត្រូវយល់អំពីរបៀបក្នុងការសួរប្រដេញចំពោះវាគ្មិន។ MC ក៏ត្រូវដឹងពីរវិធីសាស្ដ្រក្នុងការបត់បែនក៏ដូចជា នូវពេលវាគ្មិនឆ្លើយពង្វៀង MC ត្រូវចេះទាញនូវវិធីសាស្ដ្រ ដើម្បីចូលក្នុងប្រធានបទដើមវិញផងដែរ។

គួរបញ្ជាក់ថា FTC ជាផ្នែកមួយរបស់អង្គភាពព័ត៌មាន Fresh News ដែលត្រូវបានបង្កើតឡើងនៅឆ្នាំ២០២១ ក្រោមគំនិតផ្ដួចផ្ដើមរបស់ លោក លឹម ជាវុត្ថា ដែលស្ថាបនិក និងជាអគ្គនាយកនៃអង្គភាពព័ត៌មាន Fresh News ដើម្បីចូលរួមចំណែកចែករំលែកចំណេះដឹង និងបទពិសោធន៍ផ្នែកព័ត៌មាន ក៏ដូចជាចូលរួមបណ្តុះបណ្តាលយុវជនជំនាន់ក្រោយ ក្នុងវិស័យព័ត៌មានជាដើម។

FTC មាន លោក ម៉ារ យ៉ារិទ្ធិ ជាប្រធាន ដែលលោកធ្លាប់ជាភ្នាក់ងារសារព័ត៌មានបរទេសល្បីៗជាច្រើនដូចជា៖ UPI, AP និង VOA ជាដើម។ លោកគឺជាអតីតនិស្សិតខ្មែរដែលបានសិក្សាវិស័យវិជ្ជាជីវៈសារព័ត៌មានក្នុង សកលវិទ្យាល័យមីឈីហ្គែន University of Michigan និងសកលវិទ្យាល័យមែរីលែន University of Maryland ក្នុងសហរដ្ឋអាមេរិកផងដែរ៕

សម្រាប់ព័ត៌មានបន្ថែម និងចុះឈ្មោះចូលរៀន សូមទំនាក់ទំនង៖

* លោក ពេជ្រ ប៊ុនសាយ អគ្គនាយករង Fresh News និងជាអនុប្រធានប្រចាំការ FTCTel / CoolApp 089 960 090Telegram: https://t.me/pichbunsay

* កញ្ញា ថាន រស្មី ប្រធានផ្នែកទំនាក់ទំនងសាធារណៈ FTCTel/ CoolApp 092 322 334Telegram: https://t.me/Raksmey_FN

* កញ្ញា រិន ម៉ានីកា បុគ្គលិកផ្នែករដ្ឋបាល និង ចុះឈ្មោះ FTCTel/ CoolApp 012 876 948Telegram: https://t.me/rinmanikafn