(ភ្នំពេញ)៖ លោក ណើរ ណារិទ្ធ បាននាំភរិយា មកពីរាជធានីភ្នំពេញ ក៏ដូចជាប្រជាពលរដ្ឋផ្សេងទៀត បានងើបពីព្រលឹមមកជួបជុំគ្នា ឡើងរថយន្ត ដែលរៀបចំឡើងដោយក្រុមការងារចុះទស្សនកិច្ច នៅតាមក្រវាត់ព្រំដែនកម្ពុជា-វៀតណាម ដើម្បីចុះមកមើលដោយផ្ទាល់នឹងភ្នែកពីស្ថានភាពពិត នៅតាមបន្ទាប់ព្រំដែន ក្រោយមានការជជែកវែកញែកគ្នានៅតាមបណ្តាញសង្គម។

តាមរយៈការជួបសម្ភាស​ន៍ ដោយផ្ទាល់ជាមួយក្រុមការងារព័ត៌មាន Fresh News នៅក្នុងឱកាសចុះទស្សនកិច្ចសិក្សា នៅតាមបន្ទាត់ព្រំដែនឦសាន ដែលជាជើងទី១១ លើតម្រាយផ្លូវខេត្តក្រចេះ និងខេត្តមណ្ឌល រយៈពេល២ថ្ងៃ គឺថ្ងៃទី២១ ដល់ថ្ងៃទី២២ ខែធ្នូ ឆ្នាំ២០២៤, លោក ណើរ ណារិទ្ធ បានថ្លែងថា ការរៀបចំដំណើរទស្សនកិច្ចប្រជាពពលរដ្ឋមកកាន់តំបន់ព្រំដែន គឺជាមួយដ៏ល្អ ដើម្បីឱ្យប្រជាពលរដ្ឋគ្រប់ស្រទាប់វណ្ណៈ បានឃើញដោយផ្ទាល់ភ្នែកពីស្ថានភាព នៅតាមព្រំដែនរវាងប្រទេសជិតខាង។

លោក ណើរ ណារិទ្ធ បានស្នើសុំដល់មតិមួយចំនួន ដែលតែងតែលើកឡើងពីភាពអវិជ្ជមាន និងការមិនគ្រប់ជ្រុងជ្រោយចំពោះបញ្ហាព្រំដែន សូមធ្វើការសិក្សាស្រាវជ្រាវឱ្យបានច្បាស់លាស់ ឬប្រសិនមានឱកាសសូមបងប្អូនអញ្ជើញចុះឈ្មោះ មកទស្សនកិច្ចនៅតាមក្រវាត់ព្រំដែនដោយផ្ទាល់ភ្នែក ដើម្បីបញ្ចប់នូវមន្ទិលសង្ស័យពីមុនចំពោះបញ្ហាព្រំដែន៕

សូមស្តាប់ការលើកឡើងរបស់លោក ណើរ ណារិទ្ធ ដូចខាងក្រោម៖