(កៀវ)៖​ ប្រធានាធិបតី លោក វ៉ូឡូឌីមៀ​ ហ្សេលេនស្គី​ បានឱ្យដឹងនោថ្ងៃសៅរ៍​ ទី៧​ ខែធ្នូនេះថា​ យន្តហោះចម្បាំង F-16 ក្រុមទីពីររបស់ដាណឺម៉ាក​ បានមកដល់អ៊ុយក្រែនហេីយ។ នេះបេីយោងតាមការចេញផ្សាយដោយទីភ្នាក់ងារសារព័ត៌មាន​ Reuters។

លោក​ ហ្សេលេនស្គី​ បានបង្ហោះសារលេីបណ្តាញសង្គម​ X ដូច្នេះថា​ <<​យន្តហោះចម្បាំង F-16 ក្រុមទីពី​រ​ ដែលមកពីដាណឺម៉ាកបញ្ជូនមកអ៊ុយក្រែន​ ជាឧទាហរណ៍នៃភាពជាអ្នកដឹកនាំ​របស់ដាណឺម៉ាក ក្នុងការរួមចំណែកការពារអាយុជីវិតមនុស្ស​>>។

សរុបមក ដាណឺម៉ាកផ្តល់ឱ្យអ៊ុយក្រែននូវយន្តហោះចម្បាំង F-16 ចែកចេញបីក្រុម។​ តាមលោក​ ហ្សេលេនស្គី​ យន្តហោះចម្បាងក្រុមដំបូង​ ដែលផ្តល់ដោយដាណឺម៉ា​ក​ ត្រូវបានយកទៅប្រេីប្រាស់សម្រាប់ការបាញ់ទម្លាក់មីស៉ីលរបស់រុស្ស៉ីរួចហើយ រួមទាំងការពារប្រជាពលរដ្ឋ និងសម្ភារៈសំខាន់ៗផងដែរ៕