ស្រុកកោះធំ បើកវគ្គអប់រំនយោបាយ ដល់បេក្ខជនឈរឈ្មោះបោះឆ្នោត ជ្រើសរើសក្រុមប្រឹក្សាឃុំ សង្កាត់ អាណ្ណត្តិទី ៥ឆ្នាំ២០២២

Posted By: RoogRog Robot | 20-Jan-2022 16:11:00

2022-01-20 03:06pm

(កណ្តាល)៖ នៅព្រឹកថ្ងៃព្រហស្បតិ៍ ទី២០ ខែមករា ឆ្នាំ២០២២ អ្នកឧកញ៉ា លី សាម៉េត ហៅគ្រូមា តំណាងសម្តេចតេជោ ហ៊ុនសែន ប្រធានគណបក្សប្រជាជនកម្ពុជា និងលោក តូច ចាន់កុសល អនុប្រធានទី១ ក្រុមការងារគណបក្សចុញជួយស្រុកកោះធំ បានអញ្ជើញបើកវគ្គអប់រំនយោបាយដល់បេក្ខជនឈរឈ្មោះបោះឆ្នោត ជ្រើសរើសក្រុមប្រឹក្សាឃុំ សង្កាត់ អាណ្ណត្តិទី ៥ឆ្នាំ២០២២ ស្ថិតក្នុងស្រុកកោះធំ ខេត្តកណ្តាល។

លោក តូច ចាន់កុសល បានថ្លែងក្នុងពិធីនោះថា នាមជាមន្ត្រីគណបក្ស ត្រូវបន្តខិតខំធ្វើសកម្មភាពចិញ្ចឹមចលនានយោបាយនៅមូលដ្ឋានតាមរយៈការកសាងសមិទ្ធិផលនានា ការចូលរួមសហការដោះស្រាយបញ្ហាប្រឈម សំណើ សំណូមពរនានា របស់ប្រជាពលរដ្ឋ។ បេក្ខជន ត្រូវចុះតាមខ្នងផ្ទះប្រជាពលរដ្ឋ ដើម្បីស្វែងយល់អំពីជីវភាពរស់នៅ និងសុខទុក្ខរបស់ពួកគាត់ សំដៅដោះស្រាយតាមជាក់ស្ដែង និងសមស្រប។

លោកបានបន្តថា បេក្ខជនត្រូវត្រួតពិនិត្យ និងពង្រឹងការគ្រប់គ្រងសមាជិកបក្សតាមក្រុមមួយៗឱ្យបានច្បាស់ និងធ្វើការជួបជុំជាមួយសមាជិកបក្ស និងអ្នកគាំទ្រគណបក្សជាទ្រង់ទ្រាយតូចៗតាមភូមិ ឃុំដើម្បីផ្សព្ចផ្សាយពីស្នាដៃ សមិទ្ធិផលរបស់គណបក្ស និងរាជរដ្ឋាភិបាល ដើម្បីពង្រឹង និងលើកកម្ពស់ជំនឿជាក់របស់សមាជិកគណបក្ស និងអ្នកគាំទ្រមកលើគណបក្ស ហើយត្រូវដំណើរការព្រមគ្នាដើម្បីរៀបចំពិធីបញ្ចូលសមាជិកថ្មីៗរបស់គណបក្សឱ្យបានសកម្មផុសផុលគ្រប់មូលដ្ឋាន។

លោកអនុប្រធានទី១ នៃក្រុមការងារចុះជួយស្រុកកោះធំ បានក្រេីនរម្លឹកឱ្យក្រុមការងារគណបក្ស និងបេក្ខជន ត្រូវត្រៀមរៀបចំផែនការ និងប្រតិទិនការងារឃោសនាតាមថ្ងៃនីមួយៗរបស់បេក្ខជនចាប់ពីពេលនេះតទៅរហូតដល់យុទ្ធនាការឃោសនា ត្រូវមានផែនការប្រទិតិនឃោសនាកំឡុងពេល១៤ថ្ងៃ នៃយុទ្ធនាការរួមទាំងពីធីបើក និងបិទយុទ្ធនាការ ការដង្ហែក្បួនឃោសនាបាន២ដងក្នុងមួយឃុំ និងតាមខ្នងផ្ទះដើម្បីជួបជុំប្រជាពលរដ្ឋអ្នកបោះឆ្នោតតាមភូមិឃុំ។

អ្នកឧកញ៉ា លី សាម៉េត បានពាំនាំនូវប្រសាសន៍ផ្តាំផ្ញេីរបស់សម្តេចតេជោ សូមឱ្យមន្ត្រីគណបក្សប្រជាជនកម្ពុជាទាំងអស់ បេីកបេះដូងឱ្យទូលាយទទួលយកអតីតសមាជិក និង អ្នកគាំទ្រគណបក្សផ្សេងៗ ដែលមានបំណងចូលមករួមរស់ជាមួយគណបក្សប្រជាជនកម្ពុជាវិញ។

ក្នុងនោះអ្នកឧកញ៉ា មានប្រសាសន៍បន្ថែមទៀតថា គណបក្សប្រជាជនកម្ពុជាដែលមានសម្តេចតេជោ ហ៊ុន សែន ជាប្រធានគណបក្ស គឺលោកបានផ្តាំផ្ញេីថា គណបក្សប្រជាជនកម្ពុជារង់ចាំទទួលស្វាគមន៍ជានិច្ចរាល់អតីតសមាជិក សមាជិកា និងអ្នកគាំទ្រ អតីតគណបក្សសង្គ្រោះជាតិ ដែលមានបំណងចូលរួមរស់ជាមួយគណបក្សប្រជាជនកម្ពុជាវិញ។

អ្នកឧកញ្ញ៉ា លី សាម៉េត បានសំណូមពរទៅដល់ប្រជាពលរដ្ឋទាំងអស់ទូទាំងប្រទេស សូមឱ្យរួមគ្នាគាំទ្រចំពោះគណបក្សប្រជាជនកម្ពុជា ជាពិសេសគាំទ្រចំពោះលោកបណ្ឌិត ហ៊ុន ម៉ាណែត ជាបេក្ខភាពនាយករដ្ឋមន្ត្រីបន្តវេនពីសម្តេចតេជោនាយករដ្ឋមន្ត្រី ដេីម្បីដឹកនាំសង្គមជាតិរបស់យេីងទៅថ្ងៃអនាគត ដេីម្បីប្រជាជនកម្ពុជារស់នៅដោយសុខសុភមង្គល ប្រទេសជាតិមានការរីកចម្រេីន និង មានការអភិវឌ្ឍន៍លេីគ្រប់វិស័យ ។

ជាចុងក្រោយអ្នកឧកញ៉ា លី សាម៉េត បានអំពាវនាវដល់ប្រជាពលរដ្ឋទាំងអស់ទៅចូលរួមបោះឆ្នោត ជូនគណបក្សប្រជាជនកម្ពុជាឱ្យបានគ្រប់ៗគ្នា នៅថ្ងៃទី៣០ ខែមិថុនា ឆ្នាំ២០២២ បោះឆ្នោតជ្រេីសរេីសក្រុមប្រឹក្សាឃុំ សង្កាត់ខាងមុខនេះ៕
































News Source: freshnewsasia.com
LATEST NEWS
MORE NEWS CLICK HERE...