លោក Hans-Joachim Watzke នាយកប្រតិបត្តិក្លឹប Borussia Dortmund បាននិយាយកាលពីពេលថ្មីៗនេះថា ក្លឹបលោកនឹងលក់ខ្សែបម្រើ Jadon Sancho ជំនួសខ្សែប្រយុទ្ធ Erling Haaland ប្រសិនមានក្លឹបណាត្រូវការ។
លោក Watzke បាននិយាយថា៖" ផែនការយើងមិនទាន់ច្បាស់ម៉េចទេ។ តែយើងនឹងនិយាយឲ្យច្បាស់ជាមួយភាគី Haaland នៅពេលខាងមុខនេះ។ និយាយទៅគឺយើងចង់ទុកគេឲ្យនៅបន្តដល់ឆ្នាំក្រោយទៀត យើងឲ្យគេរកគ្រាប់បាល់ឲ្យយើងឲ្យច្រើនទៀត "។
លោកបានបន្តថា៖" តែចំពោះ Sancho វិញយើងមិនដឹងម៉េចទេគេនៅជាមួយយើងយូរជាង Haaland ទៀត អញ្ចឹងបើមានក្លឹបណាមួយចង់បានគេ ច្បាស់ណាស់យើងនឹងពិភាក្សាជាគេដើម្បីលក់កីឡាករនេះជំនួសហើយ។ តែម៉េចក៏ដោយចំពោះដូចក្លឹបធំៗដូចយើងអញ្ចឹង ទីផ្សារទិញដូរកីឡាកររដូវកាលខាងមុខ ពិបាកនឹងកើតមានណាស់ "។
គួរបញ្ជាក់ផងដែរថា Haaland នឹងចប់កុងត្រាជាមួយ Dortmund នៅឆ្នាំ២០២៤ រីឯ Sancho វិញនឹងចប់នៅឆ្នាំ២០២៣៕
ប្រភព៖ Goal ប្រែសម្រួល៖ ហ៊ីម រស្មី
News Source: news.sabay.com.kh