(កំពត)៖​ ដេីម្បីចូលរួមអបអរព្រះរាជពិធីបុណ្យអុំទូក​ អកអំបុកនិងសំពះព្រះខែ​ ដែលបានរៀបចំឡេីងរយៈពេល​ ៣ថ្ងៃពេញ​ ចាប់ពីថ្ងៃទី១៤-១៦​ ខែវិច្ឆិកា​ ឆ្នាំ២០២៤នេះ​ ព្រះចៅអធិកាវត្តក្រាំងដូង​ ដែលស្ថិតនៅក្នុងភូមិក្រាំងដូង​ ឃុំសំរោងក្រោម​ ស្រុកបន្ទាយមាស​ ខេត្តកំពត​ បានដឹកនាំប្រជាពុទ្ធបរិស័ទ​ រៀបចំពិធី​បុកអំបុកសាមគ្គី​ ដោយមានការចូលរួមពីប្រជាពលរដ្ឋយ៉ាងច្រេីនកុះករ​ ប្រកបដោយស្នាមញញឹម​ និងភាពសប្បាយរីករាយ។

ស្ថិតនៅពិធីបុកអំបុកសាមគ្គី​ ស្ថិតនៅក្នុងវត្តក្រាំងដូងនេះ​ផងដែរ​ ក៏មានការបាញ់កាំជ្រួច​ និងបង្ហោះគោម​យ៉ាងច្រេីន​ ដេីម្បីចូលរួមអបអរយ៉ាងច្រេីនផងដែរ។

សូមបញ្ជាក់ថា​ ព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក បាននិងកំពុងប្រព្រឹត្តទៅយ៉ាងសប្បាយរីករាយ។ ព្រះរាជពិធីបុណ្យអុំទូក បណ្តែតប្រទីប និងសំពះព្រខែ អកអំបុក ដែលកំពុងប្រព្រឹត្តនៅមុខព្រះបរមរាជវាំងក្នុងឆ្នាំនេះ មានទូកចូលរួម៣៤៦ទូក ជាមួយ កី ឡាករ និងគណៈកម្មការសរុបជាង ២ម៉ឺននាក់។

ថ្ងៃទី១​ និងទី២​ នៃព្រះរាជពិធីនេះ​ មានអ្នកចូលរួមលេងកម្សាន្តទាំងពលរដ្ឋខ្មែរ និងជនបរទេសសរុបរាប់លាននាក់ ជាមួយសន្តិសុខសណ្តាប់ធ្នាប់បានល្អប្រសើរផងដែរ៕