(ភ្នំពេញ)៖ ដើម្បីអបអរសាទរវេទិកាទេសចរណ៍អាស៊ានឆ្នាំ២០២២ (ATF2022) ដែលរៀបចំឡើងចាប់ពីថ្ងៃទី១៦-២២ ខែមករា ឆ្នាំ២០២២ នៅខេត្តព្រះសីហនុ ដែលជាគោលដៅទេសចរណ៍សុវត្ថិភាព និងបៃតងមួយរបស់កម្ពុជា លោក ថោង ខុន រដ្ឋមន្ត្រីក្រសួងទេសចរណ៍បានផ្ដល់ពានរង្វាន់ស្ដង់ដាសណ្ឋាគារបៃតងអាស៊ានលើកទី៨ (8th ASEAN GREEN HOTEL STANDARD) ដល់សណ្ឋាគារចំនួន៥។

សណ្ឋាគារបៃតងអាស៊ានទាំង៥នោះ រួមមាន៖

១៖ កោះសង្សារ (SONGSAA PRIVATE ISLAND) នៅខេត្តព្រះសីហនុ

២៖ សណ្ឋាគារភូមិបៃតង (PHUM BAITANG HOTE) នៅខេត្តសៀមរាប

៣៖ សណ្ឋាគារ ROSEWOOD PHNOM PENH នៅរាជធានីភ្នំពេញ

៤៖ សណ្ឋាគារ JIN BEI PALACE នៅខេត្តព្រះសីហនុ

៥៖ សណ្ឋាគារ HYATT REGENCY PHNOM PENH នៅរាជធានីភ្នំពេញ។

សណ្ឋាគារទាំងននេះសុទ្ធតែមានលំដាប់ពិន្ទុខ្ពស់ក្នុងការចូលរួមជាបេក្ខភាព ក្នុងគោលបំណងផ្សព្វផ្សាយអំពីសក្ដានុពលផលិតផលទេសចរណ៍ផ្នែកសេវាកម្មស្នាក់នៅរបស់កម្ពុជា បានរៀបចំទីតាំងស្របតាមស្ដង់ដាសណ្ឋាគារបៃតងអាស៊ាន និងជាសញ្ញាណបង្ហាញដល់ភ្ញៀវទេសចរជាតិ និងអន្តរជាតិ អំពីគោលដៅទេសចរណ៍កម្ពុជាដែលភ្ញៀវមកកម្សាន្តនៅកម្ពុជា ប្រកបដោយភាពកក់ក្ដៅ និងមិនបារម្ភពីការឆ្លងមេរោគកូវីដ១៩៕