លោក Ole Gunnar Solskjaer អ្នកចាត់ការក្លឹប Manchester United បាននិយាយក្រោយប្រកួតទល់នឹង Paris Saint-Germain ក្នុងក្របខ័ណ្ឌ UEFA Champions League ថា លោកតែងតែឲ្យកីឡាករលោកលេងដោយស្មោះត្រង់ ក្រោយឃើញ Neymar ចាប់ប្រដាប់សំខាន់របស់ខ្សែបម្រើស្កុត McTominay។
លោកបាននិយាយថា៖ " ខ្ញុំមិនចង់បញ្ចេញមតិលើកីឡាករក្រុមផ្សេងទេ តែកីឡាករខ្ញុំដឹងពីតម្លៃរបស់ខ្ញុំហើយ " ។
លោកបានបន្តថា៖ " ខ្ញុំត្រូវការមនុស្សលេងដោយស្មោះត្រង់។ McTominay អាចធ្វើពុតដួល ពេល Neymar ចាប់អាអូនតូចរបស់គេ តែខ្ញុំមិនចង់ឃើញកីឡាករខ្ញុំលេងរបៀបហ្នឹងទេ “ ។
McTominay នៅតែបន្តលេងធម្មតា តែគេបានជាន់កជើង Neymar ក្រោយពីកីឡាករប្រេស៊ីលរូបនោះចាប់ប្រដាប់របស់គេ។ Neymar បានធ្វើស្រែកឈឺ មុននឹងតតាំងក្ដីជាមួយ McTominay នៅពេលចប់តង់ទី១៕
ប្រភព៖ The Sun ប្រែសម្រួល៖ ហ៊ីម រស្មី
News Source: news.sabay.com.kh