អគ្គិភ័យឆេះឡរោងចក្រកុងផ្លាគេសានដុង នៅស្រុកព្រៃនប់ ខេត្តព្រះសីហនុ បណ្តាលឲ្យរបួស៤នាក់

Posted By: RoogRog Robot | 03-Dec-2020 19:13:16

2020-12-03 07:05pm

(ព្រះសីហនុ)៖ នៅរសៀលថ្ងៃទី៣ ខែធ្នូ ឆ្នាំ២០២០ មានហេតុការណ៍គ្រោះអគ្គិភ័យមួយ បានឆាបឆេះឡរោងចក្រកុងផ្លាគេសានដុង អគារលេខ១៨ ស្ថិតនៅភូមិពូធឿង ឃុំបិតត្រាំង ស្រុកព្រៃនប់ ក្រុង-ខេត្តព្រះសីហនុ។

ស្នងការនគរបាលខេត្តព្រះសីហនុ លោកឧត្តមសេនីយ៍ទោ ជួន ណារិន្ទ បានប្រាប់បណ្តាញព័ត៌មាន Fresh News ថា ករណីនេះបណ្ដាលឲ្យឆេះឡ២ទាំងស្រុង និងបានរាលដាលដល់ខាងក្នុង ប្រហែល៥-៦ម៉ែត្រ។

សម្រាប់មូលហេតុ លោកស្នងការថា មកពីឡខុសបច្ចេកទេស។ លោកឧត្តមសេនីយ៍ស្នងការ បានបន្តថា <<ករណីនេះបណ្តាលឲ្យមានអ្នករងរបួស៤នាក់ ក្នុងនោះមានកម្មករខ្មែរ៣នាក់ និងចិនម្នាក់។

លោកបន្តថា ករណីខាងលើកម្លាំងសមត្ថកិច្ច បានប្រើប្រាស់រថយន្តពន្លត់អគ្គិភ័យរបស់ស្នងការដ្ឋាននគរបាលខេត្តព្រះសីហនុចំនួន២គ្រឿង ដោយប្រើប្រាស់ទឹកអស់៨ឡាន៕






News Source: www.freshnewsasia.com
LATEST NEWS
MORE NEWS CLICK HERE...